محمت زاهد سوُباجی: تۆرکیه دۆنیأدأکی دۆرلی گؤزیِتیم‌لره یر ایه‌چیلیگینی ادیأر

ت. ر. ت نینگ باشلیغی محمد زاهد سوُباجی گلوبال آراقاتناشیق سیستمی نینگ ایچرسینده دوُغری بیلن یالانینگ، حاقیقات بیلن حاقیقات یالی گؤرۆنیأن زاتلارینگ بیری بیری بیلن بیره‌ک بیرِه‌گه بوُلاندیغینی آیتدی.

سوُباجی شو ییل 6-نجیسی گچیریلیأن ت. ر. ت ورلد فوُروم ینگ آچیلیش داباراسیندا موندان دا قوُوی بیر گلجک اۆچین شو واغتقی یاغدایی بۆتین آچ آچانلیق بیلن آنیقلاماغینگ و بِللی بوُلمادیق مۆمکینچیلیکلری مۆمکینچیلیگه اؤوۆرمه‌ک پتانسیلی نینگ أهمیتینه اۆنس چکدی.

محمت زاهد سوُباجی پیکیرلر، گؤزیتیملر و دۆنیأدأکی دۆرلی سسلره یر ایه چیلیگینی ادن تۆرکیأنینگ کؤپ سانلی گلوبال دارتغینلیغینگ آچاری بوُلاندیغینی و تاراپلاری دوشوشدیران دیالوگ اۆچین ایناملی بیر یر بوُلاندیغینی آیتدی.

ت. ر. ت نینگ باشلیغی، غاللا دارتغینلیغیندا کریدور آچان، اسیرلرینگ چالشیلماغیندا گارانتور بوُلان، کووید- 19 یوُقانچ کسلینده 150-دن کؤپ یوردا کؤمِک ادن و 8 میلیارد انسانینگ هر بیری اۆچین شخصیتلی گؤره‌ش آلیپ باران تۆرکیأنینگ، حاص عادالاتلی بیر دۆنیأنینگ مۆمکین بوُلاندیغینی هم سؤز هم عامال بیلن گؤرکِزندیگینی نیغتادی.

گلوبال مسئله لرینگ چؤزگۆدینده مدیانینگ اولی یره ایه چیلیک ادیأدیگینه اۆنس چکن سوُباجی،

"شو گۆن گلوبال آراقاتناشیق سیستمی نینگ ایچرسینده دوُغری بیلن یالانینگ، حاقیقات بیلن حاقیقات یالی گؤرۆنیأن زاتلارینگ بیری بیری بیلن بیره‌ک بیرِه‌گه بوُلاندیغینی گؤریأریس. آرادا بیلگِشلِه‌یین، آرادا دا بیلمأنی دوُوام اتدیریلیأن بو قاریم قاتیم یاغدایینگ یکه تأک چأره سی بار. فیلتر بیلن دأل، عادالاتلی بیر گؤره‌لگه بیلن دۆنیأ دوُلولیغینا قاراپ بیلمه‌ک. یاغنی گۆیچلی و گۆیچسۆزی بیری بیریندن آییرمانی، حاق بوُلان تاراپی گؤرۆپ حابارچیلیق بیلن مشغول بوُلونمالیدیر"

ت. ر. ت نینگ باشلیغی، حاص عادالاتلی بیر دۆنیأ گؤره‌شینه مدیا پوداغیندا اللریندن گلیأن بۆتین قوُشانتلاری قوُشماق اۆچین تاغاللا ادیأندیکلرینی ده سؤزلرینه قوُشدی.