فخرالدین آلتون: دۆنیأ تۆرکیأنی دورنوقلاشدیریجی گۆیچ حؤکمۆنده قابول ادیأر

تۆرکیأنینگ جمهورباشلیقلیق دیوانی نینگ آراقاتناشیق اداراسی نینگ باشلیغی فخرالدین آلتون دۆنیدنینگ تۆرکیأنی دورنوقلاشدیریجی گۆیچ حؤکمۆنده قابول ادیأندیگینی آیتدی.

ایستامبول دا 6-نجی گِزه ک گچیریلن ت. ر. ت ورلد فوروم دا چیقیش ادن آلتون، پرزیدنت رجب طیب أردوُغان ینگ یوُلباشچیلیغیندا تۆرکیأنینگ بؤلگه دأکی دارتغینلیقلارینگ و گلوبال چاقنیشیقلارینگ چؤزۆلمه گینه قوُشانت قوُشیاندیغینی آیتدی و میثاللار بردی.

آلتون "یوردومیز بیلن بیرلیکده بؤلگأمیزدن باشلاپ دۆنیأنینگ هر یرینه دموکراسی، اؤسۆش، پاراحاتچیلیق و آبادانچیلیق گتیرمه ک ایسله یأریس" دیدی.

تۆرکیأنینگ حأضیرکی دؤوۆرده بۆتین دۆنیأ گؤره‌لدِه بوُلجاق اؤزبوُلوشلی داشاری سیاسات مدلیتی هؤدۆرله یأندیگینی آیدان آلتون،

"بؤلگه آرا و گلوبال اوُیون قوران یاغدایا اؤورۆلن تۆرکیه دینگه بیر دۆرلی بلوکلاری بیرله شدیریأن کؤپری دأل، شوُل بیر واغتدا دیالوگ، مذاکره و دیپلماسی نینگ گیدیأن کانالیدیر" دیدی.

آلتون تۆرکیأنینگ روسیا- اوکراینا ساواشیندا دیملپاتیک تایدان اۆستۆنلیک قازاناندیغینی مألیم اتدی و سؤزلرینه شیله دوُوام اتدی:

"10 آیدان بأری دوُوام ادن روسیا- اوکراینا ساواشیندا گؤرکِزن پاراحاتچیلیق دیپلماسیمیز، بۆتین دۆنیأ تۆرکیأنی "گلوبال دورنوقلیلیغا قوُشانت قوُشیان، دورنوقلباشدیریجی و کؤشِشدیریجی" گۆیچ حؤکمۆنده قابول ادیأندیگینی گؤرکِزدی. تۆرکیه تاراپیندان ادیلن تاغاللالار گلوبال ترورچیلیغا قارشی گؤره‌شده مؤهۆم بوُرچ نامالارا و أهمیتلی اۆستۆنلیکلره سبأپ بوُلدی"

آراقاتناشیق اداراسی نینگ باشلیغی آلتون، گلابال تاراپ چکمه ک لیگینگ اؤنگۆنه گچیلمه گی نینگ أهمیتینه اۆنس چکدی و تأزه ساویق ساواشلارینگ اؤنگۆنینگ آلینمالیدیغینی بیلدیردی.