أردوُغان حالقارا مدیانینگ ایکییۆزلۆلیگینی تانقیت اتدی
تۆرک یوُلباشچی آراقاتناشیق اداراسی تاراپیندان ایستامبول دا گچیریلن 2-نجی حالقارا استراتژیک آراقاتناشیق ماصلاحاتینا ویدئو آرقالی بیانات بردی
تۆرکیأنینگ جمهورباشلیغی رجب طیب أردوُغان "حالقارا مدیا قورامالارینی ترورچیلیق مسئلهسینده ایکی یۆزلیلیگی سبأپلی" تانقیت اتدی.
تۆرک یوُلباشچی آراقاتناشیق اداراسی تاراپیندان ایستامبول دا گچیریلن 2-نجی حالقارا استراتژیک آراقاتناشیق ماصلاحاتینا ویدئو آرقالی بیانات بردی.
أردوُغان بیاناتیندا دیجیتال دؤوۆر بیلن بیله لیکده آراقاتناشیق اولاغلاریندا و حابار سریشده لرینده ده اولی اؤزگِرتمه لرینگ بوُلاندیغینا اۆنس چکدی و
"هر تأزه لیک یالی آراقاتناشیق پوداغیندا بوُلان بو مسئله ده اؤزی بیلن پورصاتلار بیلن بیله لیکده ریسک ده گتیریأر" دیدی.
دؤولتآرا دارتغینلیق و یاریشدا دیجیتال دۆنیأنینگ اولی روحی حرکت بوُلاندیغینی و اؤرأن کؤپ اولانیلماغی باشلاناندیغینا اۆنسی چکن أردوُغان،
"تۆرکیه هم استراتژیک یری، هم دوُوام ادیأن ارکیت سیاساتلاری، هم بؤلگه آرا و گلوبال مسئله لرده توتان یرلی توتومی سبأپلی دۆنیأده اؤندۆریلن و ماقصاتلی یالان حابارلارا اینگ کرپ سزه ور بوُلیان یورتلاردان بیریدیر" دیدی.
"سوُنگقی واقادا 13-نجی نوُیابردا ایستامبول ینگ استقلال کؤچه سیندأکی ترورچیلیقلی حرکتدن سونگرا حالقارا مدیا قورامالاری نینگ بیرنأچه سی نینگ حابار دیلی ترورچیلیق ادنلرینگ چؤرهگینه یاغ سۆریأن یالیدی" دیه ن أردوُغان،
"چئنلاقای حابار برمه ک یرینه تۆرکیه بیلن حاساپلاشماغی ماقصات ادیأن شیله حابارچیلیغینگ دوروزیلمالیدیغینی هر پورصاتدا و هر پلاتفرمدا آیدیاریس" دیدی.
تۆرک یوُلباشچی 2-نجی حالقارا استراتژیک آراقاتناشیق ماصلاحاتی نینگ ایکی تاراپلی پیکیر و تجریبه لرینگ پایلاشیلجاق بیر پلاتفرمی حؤکمۆنده آراقاتناشیق اکوسیستمینه تأزه بیر دم برمهگینی آرزوو اتدی.
دِگیشلی حابارلار
تۆرکیأنینگ ایکینجی عألم بارلاغچیسی یوردا گلدی
آتاسور "بو اتاپداقی تجریبأمی یاشلار بیلن پایلاشماق اۆچین صابیرسیزلانیارین" دیدی