تۆرکیأنینگ جمهورباشلیغی، آمریکانینگ توتومینی تانقیت اتدی
ناتودا تۆرکیه بیلن یونان دنگِشدیریلیپ بیلینمه‌ز
تۆرکیأنینگ جمهورباشلیغی رجب طیب أردوُغان "آمریکادان یونان-ی یالنگیش حاساپلارا گؤنۆکدیرمه‌زلیگینی ایسله یأریس" دیدی.
تۆرک یوُلباشچی تلویزیون کاناللاریندا بیانات بردی.
اژه دنگیزیندأکی آدالارا آمریکانینگ سووتلی اولاغلاری نینگ ایبریلمه گینی تانقیت ادن رجب طیب أردوُغان آمریکانینگ ناتوداقی حیذماتداش یورتلارینگ آراسیندا عادالاتلی بوُلمایاندیغینی بیلدیردی.
أردوُغان "یونان دا تۆرکیه ده ناتو قوراماسیندا. بیز ناتودا ایلکینجی 5 یورت آراسیندا. هم برن گۆیجۆمیز بیلن هم قوری یر گۆیچلریمیز بیلن أهمیتلی یر ایه له یأریس. ناتودا تۆرکیه بیلن یونان دنگشدیریلیپ بیلینمه‌ز. آمریکانینگ آدالارا شیله اولی مؤچبِرده یاراغ، اولاغ و اوُق دأری ایبرمه گی قابول ادیلیپ بیلینمه‌ز" دیدی.
تۆرکیأنینگ جمهورباشلیغی "آمریکادان قاراشیان زادیمیز یونان –ی یالنگیش حاساپلارا گؤنۆکدیرمه‌زلیگیدیر. حالقارا جمغیتچیلیک یالنگیش قاراییشا دۆشۆرۆلمه‌لی دأل. آمریکا و یونانا گره‌ک بوُلان دویدوریشلاری داشاری ایشلر وزیرلیگیمیزینگ اۆستی بیلن بردیک. بیرلشن میللتلر قوراماسینا سوُنگقی حاطیمیزی دا 17-نجی سپتامبردا ایبردیک" دیدی.
آمریکانینگ گۆن اوُرتا قبرسا قارشی یاراغ چأکلندیرمه لرینی بس اتمه گی نینگ ده آنگلام- ماغناسیز بوُلاندیغینی آیدان أردوُغان،
"بو سوُنگقی أدیمینگ جوُغاپسیز قالماجاقدیغینی، قبرس لی تۆرکلرینگ حوُوپسوزلیغی اۆچین هر ایشی اتجکدیگیمیزی هممه‌لر بیلسین" دیدی.
دِگیشلی حابارلار
یِدی ترورچی تأثیرسیز یاغدایا گتیریلدی
سوریه و عیراغینگ دمیرقازیغیندا 7 ترورچی تأثیرسیز یاغدایا گتیریلدی
أردوُغان: بیز گۆرجیستان بیلن سؤودا- تیجارت دوُلانشیغیمیزی 5 میلیارد دلارا یتیرمه‌کچی
تۆرکیأنینگ جمهورباشلیغی گۆرجیستان بیلن ایقدیصادی قاتناشیقلارینگ أهمیتینه اۆنس چکدی
