أردوُغان: سوئد ترورچیلاری تۆرکیأ قایتارار
تۆرکیأنینگ جمهورباشلیغی ناتونینگ ماصلاحاتی باراسیندا بیانات بردی
تۆرکیأنینگ جمهورباشلیغی رجب طیب أردوُغان "سوئد 73 ترورچینی بیزه قایتارجاقدیر. شو واغتا چنلی 3-4-ینی ایبردیلر امما بو یترلیک دأل" دیدی.
أردوُغان اسپانیادا گچیریلن ناتو قوراماسی نینگ دؤولت و حؤکۆمت یوُلباشچیلاری نینگ ماصلاحاتیندان سوُنگرا ژورنالیستلارا ماغلومات بردی.
سوئدینگ قاچغین بوُلان 73 ترورچینی تۆرکیأ قایتارجاقدیغی بارادا سؤز برندیگینی یاتلادان أردوُغان،
" سوئد 73 ترورچینی بیزه قایتارجاقدیر. شو واغتا چنلی 3-4-ینی ایبردیلر امما بو یترلیک دأل. بو مسئلأنی عادالات و داشاری ایشلری وزیرلیگیمیز بیلن میللی حابار آلما تشکیلاتی ایزارلاجاقدیر. بولار ایبریلمأن حالاتیندا بیز اتمه لی ایشلری ادریس" دیدی.
"موندان بیلأک پ. ک. ک و فتؤنینگ آغضالاری نینگ ترورچیلیقلی پروپاگاندا اتمه گی، یوردومیزا و یورتداشلاریمیزا هۆجۆم اتمه گی و هر زادی یاقیپ ییقماغی اؤرأن قینلاشار" دیهن أردوُغان،
"موندان سوُنگرا بو ایش سوئد و فنلاندینگ ایشیدیر. اوُلار هر حیلی یالنگیش اتسهلر بۆتین ثبوتلاری بیزده دیر و اتمه لی ایشی ادریس" دیدی.
أردوُغان دوشوشیقلاردا ترور قورامالاری پ. ک. ک/ پ. ی. د/ ی. پ. گ و فتؤنینگ ناتونینگ یازماچا کاغیذلارینا گیرندیگینی نیغتادی و "ایلکینجی گِزه ک یازماچا سندلرده بولارینگ آدی شیله گچیأر. یاغنی پ. ک. ک اوروپا بیله له شیگی نینگ یازماچا سندلرینده باردی اِمما ی. پ. گ/ پ. ی. د و فتؤ یوُقدی" دیدی.
أردوُغان جو بایدن بیلن دوشوشیغیندا سوریه ده ترورچیلارا ایبریلن کامیون کامیون یاراغ حاقیندا دا گۆررۆنگ ادندیگینی آیتدی و "دونالد ترامپ ینگ دؤورۆندن باشلاپ مۆنگلرچه کامیون یاراغ، اولاغ و اوريال- دأرینینگ ایبریلندیگینی آیتدیم. بیز ایندی بو یرده ترورچیلیق مسئله سی حاقیندا گۆررۆنگ ادریس اِمما تۆرکیأنی نیشان آلان ترورچیلارا یاراغ، اوُق- دأری، اولاغ بریلیأن ماحالی بیز ناتودا اوُرتاق یورتلار حؤکمۆنده نأحیللی جبیسلیک ایچرسینده بوُلوپ بیلریس دییپ آیتدیم" دیدی.
أردوُغان ناتونینگ ماصلاحاتیندا بۆتین یوُلباشچیلارینگ "بیز آراچی بوُلایلی، تۆرکیأنی یونان بیلن دوشوشدیرایلی" دیهندیکلرینی نیغتادی و "ایندی بو مسئلأ واغتیمیز یوُق دیأریس" دیدی.
دِگیشلی حابارلار
أردوُغان: فلسطینلیلرینگ دورنوقلی یاشاماغی اۆچین هر حیللی تاغاللا اتمأگه دوُوام ادریس
أردوُغان تۆرکیأنینگ غزه و فلسطین حالقینا قوُلداو برمأگه دوُوام اتجکدیگینی آیتدی