تۆرکیه؛ ناتو، سوئد و فنلاند بیلن ماصلاحات گچیردی
سوئد و فنلاند تۆرکیأ قارشی پ. ک. ک و بیله‌کی ترورچی توُپارلاری قوُلداماقدان ال چکجکدیگی بارادا ایلالاشیغا قوُل چکدی
تۆرکیأنینگ جمهورباشلیغی رجب طیب أردوُغان، فنلاندینگ جمهورباشلیغی نینیستؤ، سوئدینگ باش وزیری اندرسون و ناتونینگ باشلیغی ینس استولتنبرگ 4 تاراپلی ماصلاحات گچیردی.
دؤرت تاراپلی ماصلاحاتدان سوُنگرا اوُرتاق بیان ناما قوُل چکیشیلدی.
اسپانیانینگ پایتاغتی مادرید شهرینده ناتونینگ یوُلباشچیلاری نینگ ماصلاحاتی گچیریلدی.
ماصلاحاتا قاتناشان أردوُغان؛ ناتو، فنلاند و سوئدینگ یوُلباشچیلاری بیلن دؤرت تاراپلی دوشوشیق گچیردی.
ناتونینگ باشلیغی استولتنبرگ ینگ یر ایه چیلیگینده بوُلان ماصلاحات مطبوغاتا یاپیق یاغدایدا گچیریلدی.
ایکی اِتاپلی دوشوشیقدان سوُنگرا تۆرکیه، سوئد و فنلاندینگ آراسیندا فنلاند و سوئدینگ ناتو قوراماسینا آغضالیغی حاقیندا اۆچ تاراپلی ایلالاشیغا قوُل چکیلدی.
ایلالاشیغا گؤرأ فنلاند بیلن سوئد:
پ. ک. ک و اوُنونگ قویروقلاری بیلن ساواشدا تۆرکیه بیلن دوُلی حیذماتداشلیق اتمه‌لی بوُلدی.
ترورچیلیغینگ هر دۆرلی گؤرنۆشی بیلن گؤره‌شده تۆرکیه بیلن جبیس یاغدایدا ایشله‌شمه‌لی بوُلدی.
پ. ی. د/ ی. پ. گ و فتؤ-آ قوُلداو برمه‌لی دأل بوُلدی.
ترورچیلیق بیلن گؤره‌ش و قوُرانماق صناغاتی مسئله لریندأکی میللی قاراییشلارینی دۆزگۆن یاغدایا گتیرمه‌لی بوُلدی.
ترورچیلیق بیلن گؤره‌ش مسئله سینده تۆرکیه بیلن ماغلومات پایلاشمالی بوُلدی.
پ. ک. ک و اوُنونگ قویروقلاری نینگ پول ییغناماق و باش بوُزار ییغناماغینی قاداغان اتمه لی بوُلدی.
تۆرکیأ قارشی ترورچیلیقلی پروپاگاندانینگ اؤنگۆنه گچمه لی بوُلدی.
