فواد اوکتای: اژه دنگیزیندأکی آدالار یازاغسیزلاشدیریلمالی‌دیر

تۆرکیأنینگ جمهورباشلیغی نینگ اوُرونباساری فواد اوکتای اژه دنگیزیندأکی آدالارینگ یاراغسیزلاشدیریلماغی نینگ اینگ قیسغا واغتدا عامالا آشیریلمان حالاتیندا شوُل آدالارینگ یاغدایینی حالقارا حقوق و ایلالاشیق شرطنامالارا گؤرأ سوُراغا چکجکدیکلرینی آیتدی.

دمیرقازیق قبرس تۆرک جمهوریتینده رسمی ساپاردا بوُلان اوکتای یوردونگ جمهورباشلیغی ارسان تاتار بیلن اؤزآرا دوشوشیغیندان سوُنگرا بیانات بردی.

دمیرقازیق قبرس تۆرک جمهوریتی نینگ دورنوقلیلیق ایچرسینده اؤسۆپ بۆتین قورامالاری بیلن گۆیچلنمه گی نینگ أهمیتینه اۆنس چکن اوکتای، قبرس تۆرکلری ننیگ 1571-نجی ییلدان بأری آصلی یاشاییجی حؤکمۆنده اؤز توُپراقلاریندا یاشایاندیغینی آیتدی.

قبرس مسئله سی نینگ چؤزگۆدی نینگ یکه جه یوُلونینگ قبرس ینگ تۆرک حالقی نینگ اؤزایغتیارلیلیغینی تاناماق بوُلاندیغینی آیدان اوکتای، "شیله بیر چؤزگۆت گۆن دوُغار آق دنگیزدأکی حیذماتداشلیغینگ اؤسۆشینه ده قوُشانت قوُشار" دیدی.