دۆنیأنینگ تانیمال یاش شخصیتلری "نکست بای ت. ر. ت فوُروم" دا دوشوشدی
زاهد سوُباجی: نکست فوروم، یاشلیغی و گلجگی دوشوشدیران بیر ماصلاحاتدیر
دۆنیأنینگ تانیمال یاش شخصیتلری "نکست بای ت. ر. ت فوُروم" دا دوشوشدی
2017-نجی ییلدان بأری دۆنیأنینگ أهمیتلی گلوبال مسئله لرینی گۆن ترتیبینه گتیریأن ت. ر. ت وُرلد فوروم ینگ یاشلارا دگیشلی فورومی “NEXT by TRT World Forum” بۆتین دۆنیأده تانالیان یاشلارینگ قاتناشماغی بیلن زُورلو پی. اس. ام ده گچیریلدی.
ت. ر. ت ورلد تاراپیندان گچیریلن فوروما مشهور ژورنالیستلار، آکادمیسینلر، جمغیتچیلیک قورلوشیقلاری نینگ یوُلباشچیلاری و ایشهۆرلر قاتناشدی.
شنبه گۆنی 14-نجی مای دا زوُرلو پی. اس. ام ده گچیریلن فورومدا یاشلارینگ گۆیجی و أهمیتی حاقیندا گنگه شیلدی.
ت. ر. ت نینگ باشلیغی سوُباجی: "نکست، یاشلیغی و گلجگی بیر یرده اۆیشۆرن بیر ایشدیر"
"متاعألم (متاورس) و مدیا: تکنولوژی نینگ اینگ سوُنگ ترندی ژورنالیسما نأحیللی تأثیر قوُیار" آدلی اوُتورشیغا قاتناشان و یاشلار بیلن دوشوشان ت. ر. ت نینگ باش مۆدیری محمت زاهد سوُباجی، یاشلارا بیاناتیندا "نکست، یاشلیغی و گلجگی دوشوشدیران بیر ماصلاحاتدیر. یاشلیق و گلجک بیله لیکده بوُلاندا اۆچۆنجی بیر فاکتوری دا قوُشمالی بوُلاریس. بو اۆچۆنجی زات اومیتدیر. آصلینا قارالاندا دۆنیأنینگ عمومی یاغدایینا سر ادیلنده مسئله لرینگ اؤرأن باسغین بوُلاندیغینی گؤریأریس. بیز بو مسئله لری چؤزمهک اۆچین بیر توُپار چؤزگۆت تاپماغا سینانشیاریس، گنگه ش پلاتفرملارینی قورماغا سینانشیاریس امما بیر زادی اونوتیاریس. اونودان زادیمیز دا أهمیتلی بیر چشمه بوُلان یاشلاردیر. شوُل سبأپلی بیز نکست فورومینی قورادیق، یاشلارا اۆنس برمهک ایسلهدیک. چۆنکی یاشلارینگ طبیغاتیندا، یاشلیغینگ طبیغاتیندا یارادیجیلیق بار، حیال گۆیجی بار، تأزه پیکیرلر و ایشجنگلیک بار. سیز بو ایشجنگلیگی و یارادیجی پیکری، تأزه گؤزیتیملرینگیز بیلن چؤزگۆتلره قوُشماسانگیز شو گۆنکی گۆنۆنگ مسئله لرینی چؤزمهک اۆچین اؤرأن ایشینگیز قین بوُلار. شونونگ اۆچین بیز تکنولوژینی بیر اوُزالقی نسله گؤرأ کؤپ یارادیجی و نتیجأ آدالان بیر یاغدایدا اولانان یاشلیغا و بو مسئلأ اۆنس برمهک اۆچین ت. ر. ت ورلد فوروم اۆستی بیلن یاشلاری بو اتابینگ بیر پارچاسی یاغدایینا گتیرمهک ایسلهدیک" دیدی.
"پانِللرده اۆیتگِشمه و اۆیتگِهشیکلیگه" اۆنس بریلدی
دۆنیأمیزینگ مسئله لریندن عألم توریسمینه، تکنولوژی نینگ اؤسۆشیندن جمغیتینگ ایزا قالماغینا کؤپ سانلی مسئله حاقیندا گنگه شیلن “NEXT by TRT World Forum” فورومینا تۆرکیه و دۆنیأدن هۆنأرلی بجرمنلر قاتناشدی.
دۆنیأنینگ اۆیتگه مه گینده ایلایتا دا یاشلارینگ أهمیتینه و ایشجنگ یورتداشلیغا اۆنس چکن سوسیالبن قوراماسی نینگ اساسلاندیریجیسی اجه چیفتچی "یاشلار حؤکمۆنده اؤز یوردومیز اۆچین ایسلأن هممه زادیمیزی بۆتین دۆنیأ اۆچین ایسله یأریس" دیدی و حیذماتداشلیق مسئله سینه اۆس چکدی.
دۆنیأنینگ ایلکینجی متاورس آژانسی نینگ اساسلاندیریجیلاری جان یورداقول، فیصل او-کی، سارا الجمال و بگۆم آیدین اوُغلی بوُلسا متاورسینگ تأزه دۆنیأنینگ قورالماغینا نأحیللی تأثیر یتیرجکدیگی حاقدا گۆررۆن بردیلر.
متاورس بیلن سرحتلرینگ ییقیلدیغینی و دۆنیأنینگ اؤرأن گینگهلندیگینی آیدان توُپار، یاشلارینگ بو پوداقدا نأحیللی ایشلهدیکلرینی ده بیان اتدیلر.
یاشلارینگ اقلیم مسئله سینه قاراییشی، بوُسغونلار مسئله سی و مدیا مسئله سی ده بو فورومدا گۆررۆنگ ادیلدی.
یاشلارا NFT-دن متاورس مسئله سینه چنلی کؤپ سانلی تجریبه بریلدی
اساسی پانل و اوُتورشیقلار بیلن بیله لیکده کؤپ سانلی چأره ده گچیریلدی.
ان. اف. تی آتلیه سی، دیجیتال گرافیتی و دیجیتال حاقیقات یالی کؤپ سانلی مسئله NEXT by TRT World Forum فورومیندا گۆررۆنگ ادیلدی.
فورومدا یاشلار هم بیری بیری بیلن هم ده میللی و حالقارا قورلوشیقلار بیلن حیذماتداشلیق اتدی.
دِگیشلی حابارلار
أردوُغان تلفن آرقالی آل نهیان بیلن دوشوشدی
تۆرک یوُلباشچی بو دوشوشیقدا امارات دا بوُلان سیل سبأپلی قینانچ بیلدیردی