ت. ر. ت-نینگ فرانسوز دیلیندأکی دیجیتال حابار پلاتفرمی باشلادی

تۆرکیأنینگ جمهورباشلیغی نینگ آراقاتناشیق اداراسی نینگ باشلیغی فخرالدین آلتون پایتاغت آنکارادا گچیریلن ت. ر. ت- نینگ فرانسوز دیلیندأکی سانلی حابار پلاتفرمی نینگ تانیشدیرلیش چأره سینه قاتناشدی.

فخرالدین آلتون چأره ده ادن چیقیشیندا شیله أهمیتلی باشلانغیجا شایاتلیق ادیأندیگی سبأپلی اؤزۆنی باغتلی گؤریأندیگینی بِلله دی.

ت. ر. ت نینگ رادیو و تلویزیون یایلیملاری و سانلی (دیجیتال) حابار پلاتفرملاری بیلن مارکا اؤورۆلندیگینی نیغتان آلتون، 2010-نجی ییلدا یایلیما باشلان ت. ر. ت عاراپچا و 2015-نجی ییلدا یایلیما بریلمأگه باشلان ت. ر. ت ورلدینگ تۆرکیأنینگ بؤلگه له یینگ گۆیچ و حالقارا آکتور بوُلماغیندا اولی رُل اوُینایاندیغی آیتدی.

بیرنأچه واغت سوُنگ هم ت. ر. ت روسچا بیلن ت. ر. ت نینگ آلمان دیلینده یایلیم برمأگه باشلاندیغینی یاتلادان فخرالدین آلتون، دۆین یایلیما برمأگه باشلان ت. ر. ت نینگ فرانسوز دیلیندأکی سانلی (دیجیتال) حابار پلاتفرمی نینگ دۆشۆملی بوُلماغینی دیله‌دی.

ت. ر. ت نینگ 41 دیل و لهجه ده اینترنت آرقالی یایلیم بریأندیگینی یاتلادان آراقاتناشیق اداراسی نینگ باشلیغی فخرالدین آلتون، ت. ر. ت نینگ حالقارا یایلیم یؤرلگه‌لرینه لاییقلیقدا أهلی قاتلاغینگ وکیللری نینگ سسینی دۆنیأ یورتلارینا یتیریأندیگینی، یایلیملاری بیلن اۆستی باسیریلیپ یاتیرلان حاقیقاتلاری یۆزه چیقارماغا چالیشیاندیغینی بیلدیردی.

دابارادا چیقیش ادن ت. ر. ت نینگ باش مۆدیری زاهد سوباجی هم "ت. ر. ت نینگ فرانسوز دیلیندأکی سانلی حابار پلاتفرمی فرانسیا باشدا بوُلماق بیلن فرانسوز دیلینده گپله شیأن یورتلارینگ سیاسی، ایقدیصادی، سوسیال و مدنی مسئله لرینی و آفریقانینگ گۆن ترتیبی نینگ ایلری توتولیان اوغورلارینی ت. ر. ت نینگ انسانا اولی أهمیت بریأن یایلیملاری آرقالی دۆنیأ کؤپچۆلیکلیگی نینگ اۆنسۆنه یتیرمه گی ماقصات ادینیأر" دیدی.

سوُباجی "دۆنیأده 300 میلیوندان کؤپ آدامینگ گپله شیأن دیلینده یایلیم برمه ک، تأزه قاپیلارینگ آچیلماغینا و تأزه قاراییشلارینگ یۆزه چیقماغینا سبأپ بوُلار. واقالارینگ دینگه شو گۆنۆنه دأل، ایسه م گچمیشینه و گلجگینه اۆنس چکیلمه گینه اولی قوُشانت قوُشار" دیدی.

سوُباجی ت. ر. ت نینگ فرانسوز دیلیندأکی سانلی حابار پلاتفرمی نینگ بۆتین دۆنیأده یوُقارلایان اسلاما و داشاری یورتلیلارا دوشمانچیلیغا قارشی گؤره‌شمه گی هم ماقصات ادینیأندیگینی نیغتادی.

ت. ر. ت نینگ باش مۆدیری زاهد سوباجی "ت. ر. ت فرانسوزچانینگ حالقارا یایلیم آغیمیزا قوُشولماغی بیلن اساسان اوروپانینگ باشدا دورماغیندا بۆتین دۆنیأده اسلاما و داشاری یورت دوشمانچیلیغینا قارشی آلنیپ باریلیان گؤره‌شه هم اولی قوُشانت قوُشاریس. تۆرکیأنینگ آلیپ باریان سیاساتلارینا لاییقلیقدا اولی جوُغاپکأرچیلیگی اؤز اۆستۆمیزه آلاریس. مدنیتده، صونغاتدا و اسپورتدا قازانان اۆستۆنلیکلریمیزی و تاریحی بایلیقلاریمیزی اولی حالق کؤپچۆلیکلیگینه یتیرریس" دییپ بیلدیردی.