تۆرک قشونی دمیرقازیق عیراق دا ترورچیلارا قارشی حرکت باشلاتدی

تۆرکیأنینگ میللی قوُرانماق وزیری خلوصی آقار تۆرکیأنینگ یاراغلی گۆیچلری تاراپیندان عیراغینگ دمیرقازیغینداقی متینا، زاب و آواشین- باسیان بؤلگه لریندأکی ترورچیلارینگ قالیان یرلرینه قوری یردن و گؤنگدن پنچه کیلیت آدینداقی حرکته باشلادیلاندیغینی بیلدیردی.

آقار، قشون باشلیغی ژنرال یاشار گۆلر، قوری یر گۆیچلری نینگ باش توتانی ژنرال موسی آوسور و دنگیز گۆیچلری نینگ باش توتانی ژنرال عدنان اؤزبال بیلن هوُوا گۆیچلری نینگ مرکزینه گلدی.

هوُوا گۆیچلری نینگ باش توتانی حسن کۆچۆک آق یۆز تاراپیندان قارشیلانان خلوصی آقار و بیله لیگیندأکی توُپار، هوُوا گۆیچلری نینگ حرکت مرکزینه گلدی.

تۆرکیأنینگ قوُرانماق وزیرینه عیراغینگ دمیرقازیغینداقی ترورچیلیق مرکزلرینه قارشی قورالان هوُوا حرکتی باراسیندا ماغلومات بریلدی.

خلوصی آقار "عیراغینگ دمیرقازیغیندا حالقیمیزا و حوُوپسوزلیق گۆیچلریمیزه قارشی قورالان ترورچیلیقلی هۆجۆملری یوُق اتمه ک و سرحتلریمیزینگ حوُوپسوزلیغینی برکیتمه ک ماقصادی بیلن ترورچیلارا قارشی قاهریمان تۆرک یاراغلی گۆیچلریمیز شو گیجه پنچه کیلیت حرکتینه باشلاندیر" دیدی.

تۆرک وزیر "تۆرک عسگرلری نینگ نفسی ترورچیلارینگ ینگسه‌سینده دیر" دیدی.