قارغولارینگ سانی یوُقارلادی

تۆرکیأنینگ یاراغلی گۆیچلری قارغو کامیکازه اوچارمانسیز اوچاری نینگ سانینی یوُقارلاتدی.

تۆرکیأنینگ جمهورباشلیقلیق دیوانی نینگ قوُرانماق صناغاتی اداراسی نینگ باشلیغی اسماعیل دمیر، آیلانیان قاناتلی اوچارمانسیز ساواش اوچاری سیستمی بوُلان قارغو اوچاری نینگ اؤندۆریلن تازه سانلارینی تۆرکیأنینگ یاراغلی گۆیچلرینه تاپشیراندیغینی بیلدیردی.

دمیر توییتر حاسابیندان، استی ام قوُراغ تکنولوژیلری مهندسلیک و سؤودا شیرکتی تاراپیندان اؤندۆریلیأن بو سیستمینگ تۆرک قشونینا بریلندیگینی آیتدی.

کامیکازه (اؤزۆندن گچمه لیک) اوچارمانسیز اوچارلاردان بوُلان قارغو، منگزه ش اوچارلارا گؤرأ اۆستۆنلیکلی حأصیتلره ایه دیر.

قارغو هم کؤپرأک گؤنگده قالیپ بیلیأر، هم اؤرأن یوُقاری‌دان اوچیپ بیلیأر هم ده سسی آز و چالت و گۆیچلی بیر اوچارمانسیز اوچاردیر.