أردوُغان: تۆرکیه اوچارمانسیز اوچار اؤندۆریأن اۆچ یوردونگ آراسیندا
أردوُغان تۆرکیأنینگ میللی ساواش اوچاری نینگ باراسیندا ماغلومات بردی
تۆرکیأنینگ جمهورباشلیغی رجب طیب أردوُغان تۆرکیأنینگ دۆنیأدأکی یاراغلی، یاراغسیز، هۆجۆمچی اوچارمانسیز اوچار اؤندۆریأن اۆچ یوردونگ آراسیندا بوُلاندیغینی آیتدی.
أردوُغان آنکارانینگ قاهرامان قازان شهرینده، تۆرک هوُواچیلیق و عألم صناغات (توساش) کأرحاناسیندا "میللی تکنولوژیلر و تأزه مایاقوُیوملارینگ آچیلیش داباراسینا" قاتناشدی.
تۆرک یوُلباشچی اؤندۆریلن یرلی هوُوا قوُراغ سیستملری باراسیندا دا "ایندی حیصار آدینداقی دسگانی یاسادیق، یاقیندا سپر و کؤپ سانلی سیستمی ده تاماملاریس" دیدی.
تۆرکیأنینگ قوُرانما صناغاتی پروژه لری نینگ بودجه سی نینگ 5.5 میلیارد دلاردان 75 میلیارد دلارا چیقاریلاندیغینی و بو پوداغینگ ییللیق مایاقویومی نینگ 1 میلیارد دلاردان 10 میلیارد دلارا یتیریلندیگینی نیغتان أردوُغان، تۆرکیأنینگ " دۆنیأدأکی یاراغلی، یاراغسیز، هۆجۆمچی اوچارمانسیز اوچار اؤندۆریأن اۆچ یوردونگ آراسیندا" بوُلاندیغینی بیلدیردی.
"قوُرانما صناغاتیندا گره ک بوُلان هر حیلی تکنولوژیا ایه دیرس" دیه ن أردوُغان،
"میللی ساواش اوچاریمیزی ان شاءالله 2023-نجی ییلدا اؤندۆریپ طایارلاریس بۆتین دۆنیأ گؤرکزریس" دیدی.
"2025-نجی ییلدا ایلکینجی اوچوشینا باشلاجاق بوُلان میللی ساواش اوچاریمیز هوُو گۆیچلریمیزینگ اوروجی گۆیجی حؤکمۆنده 2029-نجی ییلدا گؤنگده اوچار" دیه ن تۆرکیأنینگ یوُلباشچیسی،
"قوُرانماق صناغاتیندا موندان بیلأک اوُزالقیدان دا سیستماتیک و اوُرتا- اوزاق مؤهلت اۆچین پلان قوروپ حرکت ادریس" دیدی.