أردوُغان ینگ سؤزلری ایقدیصادا و بازارا اینام بردی

تۆرکیأنینگ جمهورباشلیغی رجب طیب أردوُغان ینگ سؤزلری تۆرکیه دأکی بازارلارا اینام بردی.

تۆرکیأنینگ جمهورباشلیغی، تۆرک لیره سی بیلن مایاقوُیانلارینگ سرمایاسی نینگ قوُرالجاقدیغینی نیغتادی.

أردوُغان تۆرکیأنینگ ایقدیصادی اؤسۆشینه ده اۆنس چکدی و 19 ییلدا ایقدیصادی اؤسۆشینگ اوُرتاچا 5.1 گؤتریم بوُلاندیغینی حابار بردی.

أردوُغان تۆرکیأنینگ یاشاییجیلارینا تأزه بیر ایقدیصادی فرمول طایارلاندیقلارینی بیلدیردی و دلار و یورونینگ قیممات باهاسی سبأپلی بوُلان قایغیلارینگ اؤنگۆنه گچمه ک اۆچین، پوللارینی تۆرک لیراسیندا ساقلایانلارا دؤولتینگ قوُلداو برجکدیگینی آیتدی.

تۆرکیأنینگ یوُلباشچیسی "سؤیگلی میللتیم، بیز سیزی سؤییأریس، سیزه اینانیاریس، سیز ده بیزه اینانینگ. شو گۆنه دی ایناندینگیز و 19 ییل تۆرکیأنینگ اساسی قورلوشیقلاری نینگ نیره دن نیرأ گلندیگینی اؤرأن قوُوی بیلیأرسینگیز، بیز ده بیلیأریس" دیدی.