مصطفی شن توُپ لهستان دا
شن توُپ لهستان ینگ سنا مجلیسی نینگ باشلیغی توماس گروزکی بیلن دوشوشدی
تۆرکیأنینگ بیک میللت مجلیسی نینگ باشلیغی مصطفی شن توُپ لهستان بیلن تۆرکیأنینگ قاتناشیقلارینی هر پوداقدا اؤسدۆرمه‌گی و حیذماتداشلیغینگ یوُقارلادیلماغینی آرزوو ادیأندیکلرینی آیتدی.
شن توُپ دۆین لهستان ینگ سنا مجلیسی نینگ باشلیغی توماس گروزکی بیلن دوشوشدی.
دوُست و حیذماتداش یورت بوُلان لهستانا قوران ساپارینا حوُشال بوُلاندیغینی آیدان تۆرکیأنینگ بیک میللت مجلیسی نینگ باشلیغی،
"تۆرکیه بیلن لهستان 6 عاصیردان کؤپ بوُلان دیپلماتیک قاتناشیقلارا ایه دیر. ایکی یورت دوُست و حیذماتداش یورتلاردیر. اۆلکه لریمیزینگ آراسیندا گۆیچلی انسانی قاتناشیقلار و گؤره‌لده بوُلان حیذماتداشلیق بار. تاریحدا شونونگ یالی اوزاق و گۆیچلی قاتناشیقلاری بوُلان دؤولتلر آزدیر" دیدی.
2009-نجی ییلدا استراتژیک اوُرتاقلیق یاغدایینا گلن قاتناشیقلارینگ دوُوام ادندیگینه و سوُنگقی دؤورلرده یوُقاری درجه لی دوشوشیقلار بیلن یوُقارلاندیغینا حوُشاللیق بیلدیرن شن توُپ،
"لهستان بیلن هر پوداقدا اؤزآرا و کؤپ تاراپلی حیذماتداشلیغیمیزی و پارلمان آرا حیذماتداشلیغیمیزی موندان کؤپ اؤسدۆرمه گی آرزوو ادیأریس" دیدی.
شن توُپ لهستان ینگ تۆرکیأ اوروپا بیله له شیگینه دوُلی آغضالیغی اِتابیندا برن قوُلداوی سبأپلی مینتدارلیق بیلدیردی.
لهستان ینگ سنا مجلیسی نینگ باشلیغی گرودزکی ده تۆرکیه بیلن لهستان ینگ آراسیندا هر پوداقدا حیذماتداشلیق اۆچین پتانسیلینگ باردیغینی یاتلاتدی و تۆرکیأنینگ سیاحاتچیلیق مسئله سینده لهستان حالقی نینگ ایلکینجی یوردی بوُلاندیغینی سؤزلرینه قوُشدی.
شن توُپ ورشو شهری نینگ پلیسودسکی میدانیندا عسگر یأدیگأرلیگینه ده گۆل دِسسه سینی قوُیدی.
تۆرکیأنینگ پارلمان توُپاری ورشو داقی پاتشالیق کؤشگۆنی ده باریپ گؤردی.
