أردوُغان: تۆرکیه بیلیم و تعلیم تربیه پوداغیندا اؤسۆش اتدی

تۆرکیأنینگ جمهورباشلیغی رجب طیب أردوُغان تۆرکیأنینگ ساپاق بریش پوداغیندا اؤسن یورتلار بیلن یاریشیاندیغینی بیلدیردی.

أردوُغان، میللی تعلیم تربیه وزیرلیگی تاراپیندان طایارلانان "تۆرکیه ده تعلیم تربیه نینگ 20-نجی ییلی: 2000-2019" کیتابی نینگ سؤزباشینی یازدی.

حأکیمیته گلدیکلری گۆندن بأری هم ساپاق بریش سیستمی نینگ دموکراتیکلاشماغی هم ده بۆتین پوداقلاردا تعلیم تربیه نینگ یوُقارلادیلماغی اۆچین اولی تاغاللا ادندیکلرینی نیغتان أردوُغان، اینگ کؤپ چیقداجینی دا بو پوداقدا حارجاندیقلارینی بیلدیردی.

جمهوریت دؤورۆنده شیله بیر یاغدایینگ ایلکینجی گِزه ک گؤرۆلیأندیگینی آیدان أردوُغان شیله دوُوام اتدی:

"تۆرکیه ده سوُنگقی 20 ییلدا ساپاق بریش پوداغیندا یاغدایی قوُویلاشدیردیق. موندان دا أهمیتلی بوُلان زات، بو دؤوۆرده ساپاق بریش پوداغی نینگ حیلی نینگ یوُقارلادیلماغی بوُلدی. ایندی تۆرکیه باشدا OECD یورتلاری بوُلماق بیلن، بیله کی اؤسِن یورتلار بیلن یاریشیپ بیلیأر. البتده بیز تۆرکیأنینگ موندان دا کؤپ اؤسمه گینی آرزوو ادیأریس و تعلیم و تربیه پوداغیندا ایسله گیمیز موندان دا یوُقاریدادیر."