آنگلا مرکل تۆرکیه ده ساپاردا بوُلدی

آنگلا مرکل وظیپه‌سی‌نینگ قوتارماغیندان اوُزال حوُشلاشماق اۆچین تۆرکیأ گلدی

1720619
آنگلا مرکل تۆرکیه ده ساپاردا بوُلدی
Erdoğan Merkel1.jpg
erdogan merkel super 1.jpg
erdogan merkel super 2.jpg

 

آلمانیانینگ باش وزیری آنگلا مرکل تۆرکیه ده ساپاردا بوُلدی.

مرکل بیلن دوشوشیق گچیرن تۆرکیأنینگ جمهورباشلیغی رجب طیب أردوُغان "آلمانیا بیلن 50 میلیارد دلارلیق سؤودا موقدارینا یِتمه‌ک ایسله یأریس" دیدی.

تۆرکیأینگ جمهورباشلیغی بیلن آلمانیانینگ باش وزیری ایستامبول داقی هۆبر کؤشگۆنده دوشوشیق گچیردی.

دوشوشیقدان سوُنگرا أردوُغان برن بیاناتیندا،

"حوُرماتلی مرکل بیلن شو گۆنکی دوشوشیغیمیزدا اؤزآرا قاتناشیقلاریمیز باشدا بوُلماق بیلن گۆن ترتیبیمیزدأکی مسئله لر حاقیندا دوُلولیغینا گِنگه شدیک" دیدی.

أردوُغان آلمانیاداقی تۆرکلرینگ ایکی یوردونگ قاتناشیقلاری نینگ سوُسیال تاراپی بوُلاندیغینی نیغتادی و

"اتنیک پارازلیق، اسلاما و داشاری یورتلیلارا دوشمانچیلیق قینانساغام اوروپاداقی تۆرکلرینگ قینچیلیقلاری نینگ اینگ باشیندا بوُلماغا دوُوام ادیأر" دیدی.

أردوُغان، وظیپه سی نینگ آحیریندا حوُشلاشماق اۆچین تۆرکیأ گلن مرکل ینگ موندان سوُنگرا دا تۆرک- آلمان دوُستلوغینا اولی قوُشانتلار قوُشجاقدیغینا اینانیاندیغینی آیتدی.

آلمانیانینگ باش وزیری مرکل ده "حیذماتداشلیغیمیزا أهمیت بردیک. حوُرماتلی أردوُغان بیلن بیله لیکده تۆرکیه ده کؤپ زات اؤسدی. ایستامبولی گؤزلأنیمیزده مونی گؤرۆپ بیلیأریس. تۆرکیه ناتوداقی حیذماتداشیمیز حؤکمۆنده بیزینگ أهمیتلی شأریگیمیز. همیشه اوُرتاق بأحبیتلریمیز بار. آلمانیانینگ فدرال حؤکۆمتی موندان سوُنگرا دا بو گؤزیتیم بیلن قاتناشیقلاریمیزا دوُوام ادر. پاراحاتچیلیق و دورنوقلیلیغیمیز بیری بیرینه باغلیدیر" دیدی.

مرکل "آلمانیادا دین ارکینلیگی باردیر. بیز اسلاما دوشمانچیلیق مسئله سینه قارشی توتان یرلی توتوما ایه دیرس" دیدی.

مرکل یهودیلیک و اسلام دینینه دوشمانچیلیق مسئله سینده ده آلمانیانینگ قیناندیریجی واقالار یاشاندیغینی سؤزلرینه قوُشدی.



دِگیشلی حابارلار