أردوُغان گ- 20 یورتلاری نینگ یوُلباشچیلارینا بیانات بردی

تۆرکیأنینگ جمهورباشلیغی رجب طیب أردوُغان حالقارا جمغیتچیلیگینگ اوُوغان حالقیندان یۆز اؤوۆریپ، بو یوردی اؤز باشینا قوُیماق یالی شانسی نینگ یوُقدیغینی آیتدی.

أردوُغان اوُوغانیستان بیلن باغلانشیقلی "گ- 20 نینگ عاداتدان داشغاری یوُلباشچیلار ماصلاحاتینا" ایستامبول دان ویدئوکنفرانس آرقالی قاتناشدی.

اوُوغانیستان دا تأزه بیر سیاسی و ژئوپلتیک حاقیقاتینگ باردیغینی و بو یوردونگ دورنوقلیلیغی نینگ چالت یاغدایدا برجای ادیلمه گی نینگ دینگه بؤلگه ده و حالقارا درجه ده اولی أهمیته ایه بوُلاندیغینی نیغتان أردوُغان،

"طالیبانی گینگ گِریملی حؤکۆمت قورماغا گؤنۆکدیریلینگ" دیدی.

"حالقارا جمغیتچیلیگینگ اوُوغان حالقیندان یۆز اؤوۆره گی، اوُنی ایقبالینا ترک اتمه حاقی یوُق" دیه ن أردوُغان، یورتدا گۆن سایین آغیرلاشیان انسانی شرطلر سبأپلی اوُوغان حالقینا گۆیچلی قوُلداو بریلمه لیدیگینی آیتدی.

أردوُغان تۆرک قیزیل آی قوراماسی نینگ سوُنگقی گِزِک 33 تن آذیق کؤمِگینی برندیگینی یاتلادیپ، "شیله آغیر گۆنلرده اوُوغان حالقینا دوُغانلیق بوُرجومیزی برجای اتمأگه دوُوام ادیأریس" دیدی.

اوُوغانیستان داقی واقالارینگ گؤچ حوُوپونی آرتدیریاندیغینا اۆنس چکن تۆرکیأنینگ جمهورباشلیغی "تۆرکیه اوُوغانیستان سبأپلی تأزه بیر گؤچ توُلقونینی قابول ادیپ بیلمز. گ- 20 نینگ چأگینده ایشجنگ توُپارینگ دؤره دیلمه گینی تکلیپ ادیأرین. تۆرکیه شوُل توُپارینگ باشلیقلیغینی هم یرینه یتیرر" دیدی.

أردوُغان گؤچ توُلقونی نینگ اوروپا یورتلارینا دا تأثیرینی یتیرجکدیگینی سؤزلرینه قوُشدی.