چاووش اوُغلونینگ اوکرایناداقی دوشوشیقلاری دوُوام ادیأر

تۆرکیأنینگ داشاری ایشلر وزیری مولود چاووش اوُغلی اوکراینادا تۆرک دیلینه بوُلان قیزیقلانمانینگ حاص دا یوُقارلایاندیغینی آیتدی.

چاووش اوُغلونینگ اوکراینانینگ لویو شهریندأکی دوشوشیقلاری دوُوام ادیأر.

تۆرک وزیر لویو شهری نینگ ایوان فرانکو میللی بیلیم یوردونینگ گۆن دوُغار دیللری توُپاری نینگ تۆرک دیلی و ادبیاتی بؤلۆمی نینگ موغاللیملار و اوُقووچیلاری بیلن دوشوشیق گچیردی و تۆرکچأ بوُلان قیزیقلانمانینگ اوکراینادا گۆن سایین یوُقارلایاندیغینی بیلدیردی.

مولود چاووش اوُغلی شو گۆنکی گۆنده اوکراینادا 6 بیلیم یوردوندا تۆرک دیلی و ادبیاتی بؤلۆملرینده 8 موغاللیم بیلن قوُلداو بریأندیکلرینی بیلدیردی.

چاووش اوُغلی لویو شهرینده تۆرک و اوکراینالی ایشه وۆرلر بیلن ده دوشوشدی.

چاووش اوُغلی بیلن اوکراینالی ایشدشی دیمیترو کوله با نبسنا استونیا آدینداقی یأدیگأرلیگینی ده باریپ گؤرۆپدی.

جنت توُپاری (نبسنا استونیا) یأدیگأرلیگی 2014-نجی ییلدا اوکراینادا روس تاراپداری بوُلان دوُلانشیغینگ گۆن باتار تاراپدارلاری تاراپیندان اۆیتگه‌دیلمه گی اۆچین باشلادانی کؤچه یؤریشلرینده آرادان چیقانلارینگ حاطیراسی اۆچین سالینیپدی.