أردوُغان: تۆرکیأنینگ اس- 400 آلماغی ناتو قوراماسینا ضِلِل برمِه‌ز

تۆرکیأنینگ جمهورباشلیغی رجب طیب أردوُغان تۆرکیأنینگ روسیادان اس- 400 هوُوا قوُراغ سیستمی آلماغی نینگ ناتوداقی حیذماتداشلیغا ضلل برجِکدیگی باراداقی تانقیتلاری قابول اتمه دی و

"آمریکالیلار تۆرکیأ پاتریوت راکته قوُرانیش سیستمینی ساتان بوُلسادی، اس- 400 سیستملرینی آلماغا مجبور بوُلمازدیق" دیدی.

آمریکانینگ نیویورک تایمز قازتی، أردوُغان بیلن رپرتاژی نینگ اس-400 سیستملری باراسینداقی بؤلۆمی چاپ اتدی.

نیویورک تایمز، أردوُغان ینگ سؤزلرینده تۆرکیأنینگ اس- 400 ساتین آلماغی نینگ ناتو قوراماسینا ضلل برجکدیگی باراسینداقی سؤزلری قابول اتمأندیگینی بیلدیردی.

أردوُغان آمریکانینگ شوُل واغقی جمهورباشلیغی دونالد ترامپ ینگ تۆرکیأنینگ نیره دن یاراغ آلجاقدیغی باراداقی حاقینی تاصصیقلاندیغینی یاتلادیپ "اؤز یاراغلاریمیزی آلیاریس" دیدی.

تۆرکیأنینگ اس- 400 لری آلماغی نینگ آمریکا بیله چِکه‌لِشمه‌گه دگیپ دگمأندیگی باراداقی سوُراغا أردوُغان "دِگدی. قوُراغ سیستملریمیزی ایسلأن حالاتیمیزدا گۆیچلندیریپ بیلریس" دیدی.

تۆرکیأنینگ جمهورباشلیغی آمریکا بیلن تۆرکیأنینگ قاتناشیقلاری نینگ دۆیپلی یاغدایدا أهمیتینی قوُرایاندیغینی بیلدیردی و

"تۆرکیأنینگ آمریکا بیلن اوزاق واغتدان بأری قاتناشیغی بار. مونی قوُراپ گۆیچلندیرمه‌لیدیرس" دیدی.