أردوُغان: مک گرک ترورچیلیغینگ دوُلاندیریجیسیدیر

تۆرکیأنینگ جمهورباشلیغی رجب طیب أردوُغان "آمریکالی برت مک گرک دییلن بیر آدام بار. بو آدام ترور قورامالاری نینگ أتیأچلرینی اۆپجۆن ادیأر و اوُلاری دوُلاندیریار" دیدی.

أردوُغان سوچی ساپاریندان سوُنگ ژورنالیستلارینگ سوُراغلارینا جوُغاپ بردی.

پوتین ینگ چاقیلیغی بیلن ادن دوشوشیغیندا ایش ساپاری بیلن سوچی شهرینه گیدندیگینی و اؤزآرا قاتناشیقلارا تأزه و گۆیچلی بیر دپگین قوُشماق و بؤلگه دأکی یاغدایلار حاقیندا گۆررۆنگ اتمه ک اۆچین دوشوشیق گچیریلندیگینی یاتلادان أردوُغان، تۆرکیأنینگ سوریه مسئله سینده روسیا بیلن ایلالاشیلان مسئله لره تابین بوُلماغا دوُوام ادیأندیگینی نیغتادی.

سوریأنینگ ادلب ولایاتیندا اوُد آچیلشیغا بس اولغامی نینگ دوُغری یاغدایدا دوُوام اتمه گی نینگ ایلایتا دا تۆرکیه دن سوریه لیلرینگ ایزینا قایتماغینی چالتلاشدیرجاقدیغینا اۆنس چکن أردوُغان،

"بیر میلیوندان کؤپ آدام اؤیلرینه، اؤز دیارینا قایتدی. 400 مۆنگی ادلب ده. بو قوُوی بیر یاغدای. بو موقداری یوُقارلاتماق و یوردومیزدا میهمان ادنیمیز سوریه لیلرینگ آسودالیق ایچرسینده اؤز دوُغدوق دیارلارینا قایتماغی اۆچین ادیأن تاغاللامیزا دوُوام ادیأریس" دیدی.

أردوُغان "منینگ ایلایتا دا اۆستۆنده دوروپ گچن بیر اوغروم آیرالیقچی ترور قوراماسی پ. ک. ک/ ی. پ. گ نینگ مسکودا بوُلماغیدی. بو مسئلأنی اؤزلرینه یاتلاتدیم. شولار یالی قوراما آمریکادا آق تام دا هم قابول ادیلدی. اوُل یرده هم اوُلارا قیزیقلانما، قینانساغام یوُقاری درجه ده. بیلشینگیز یالی اوُل یرده برت مک گرک دیه ن بیر آدام بار. بو آدام گؤیأ ترور قورامالاری نینگ اۆپجۆنچیلیگینی و دوُلانشیغینی عامالا آشیریار. بو آدام پ. ک. ک/ ی. پ. گ/ پ. ی. د نینگ دوُلاندیریجیسی یاغداییندا. البتده منینگ بو سؤزلریم کأبیر آداملاری اؤرأن بینجالیق ادر. اوُنی هم بیلیأریس. اِمما ترور قورامالاری بیلن شوُل یرده ال اله توتوشیپ، قوُل قوُلا توتوشیپ یؤرأن آدامدیر اوُل. منینگ ترورچیلارا قارشی گؤره شیأن بؤلگأمده اوُنونگ اوُلار بیلن اله اله توتوشیپ یؤره مه گی، منی اؤرأ بینجالیق ادیأر. حأضیرکی واغتدا هم اوُنونگ ترور قورامالاری بیلن یاقیندان قاتناشیق ساقلاماغی، بیله لیکده بوُلماغی، نأحیللی یاغدایدا بوُلاندیغینی گؤرکِزیأر. ایر یا دا گیچ آمریکا اوُل یردن چیقمالی و اوُل یرلر سوریه حالقینا بریلمه لی. ترورچیلیغا قارشی گؤره ش باباتیندان جبیسلیگیمیزی آرتدیرماغیمیز گره ک دییپ بِلله دیک" دیدی.