أردوُغان: تۆرکیه بیلن روسیانینگ قاتناشیقلاری یوُقارلاماغی نینگ اولی بأحبیتی بوُلار

تۆرکیأنینگ جمهورباشلیغی رجب طیب أردوُغان "تۆرکیه بیلن روسیانینگ قاتناشیقلاری نینگ گۆن سایین گۆیچلِنمه گی نینگ اولی بأحبیتی بوُلار" دیدی.

أردوُغان روس ایشدشی پوتین بیلن سوچی شهرینده دوشوشماغیندان اوُزال بیانات بردی.

بیاناتیندا، تۆرک- روس قاتاشیقلارینا اۆنس چکن أردوُغان، سؤودا موقداری نینگ شو واغت اؤرأن قوُوی یاغدایدا بوُلاندیغینی نیغتادی و سؤودا موقداری نینگ موندان دا یوُقارلاجاقدیغینا اینانیاندیغینی یاتلاتدی و ایلایتا دا توریسم پوداغیندا برن قوُلداوی سبأپلی پوتینا ساغ بوُلسون آیتدی.

أردوُغان، روسیا تاراپیندان تۆرکیه ده قورالیان آق قویی اتم انرژی مرکزی باراسیندا دا،

"اؤنگۆمیزأکی ییلدا بیرینجی اِتاپ آچیلیپ بیلر" دیدی.

قوُرانماق صناغاتیندا دا تۆرکیه بیلن روسیانینگ بیله لیکده ایشله شیأندیگینی نیغتان أردوُغان،

"تۆرکیه بیلن روسیانینگ قاتناشیقلاری نینگ گۆن سایین گۆیچلِنمه گی نینگ اولی بأحبیتی بوُلار. سوریه بیلن باغلانشیقلی بیله لیکده آلیپ باریان ایشلریمیزه اولی أهمیت بریأریس. سوریأنینگ پاراحاتچیلیغی تۆرکیه بیلن روسیانینگ قاتناشیغینا باغلیدیر" دیدی.

روسیانینگ جمهورباشلیغی ولادیمیر پوتین دا،

"أردوُغان بیلن دوشوشیغیمیز همیشه مسئله سیز گچمه یأر. اِمما دِگیشلی قورامالاریمیز ایلالاشیپ بیلیأر. تۆرکیأنینگ روسیادا مایاقوُیومی 1.5 میلیارد دلار، روسیانینگ تۆرکیه ده مایاقوُیومی 6.5 میلیارد دلارا یتدی. اولی پروژه لرینگ هممه سی پلانا گؤرأ دوُوام ادیأر" دیدی.

"قاراباغ دا حیذماتداشلیغیمیز هم اوُد آچیلشیغا بس ادیلمه گینده هم ده اؤنگۆمیزدأکی دؤوۆرده دۆیپلی پاراحاتچیلیغینگ قورالماغیندا أهمیتلیدیر" دیه ن پوتین،

"تۆرکیه بیلن حیذماتداشلیغیمیز، حالقارا میدانلاردا اۆستۆنلیکلی یاغدایدا دوُوام ادیأر. هم سوریه هم ده لیبیادا" دیدی.

کرملین ینگ مطبوغات گنگه شچیسی دیمیتری پسکوف دا أردوُغان بیلن پوتین ینگ ایلکی اؤزآرا دوشوشیق گچیریپ سوُنگ بوُلسا ایش ناهاریندا دوشوشجاقدیغینی آیتدی.

پسکوف دوشوشیقدان سوُنگ مطبوغات گنگه شی نینگ گچیریلمه جکدیگینی بیلدیردی.