30-نجی آگوست ینگیش بایرامی قوتلی بوُلسون

شو گۆن 30-نجی آگوست تۆرکیه ده ینگیش بایرامی.

تۆرکیأنینگ جمهورباشلیغی رجب طیب أردوُغان شو گۆن میناسیبتلی بیانات بردی.

أردوُغان بیاناتیندا،

"موندان 99 ییل اوُزال دوملوپیناردا عارشا یتن ایمان ینگ یوُلباشچیلیغیندا، 84 میلیون بیرلیک، دیری‌لیک و دوُغانلیق ایچرسینده ارتیلریمیزه بیله لیکده یؤرأریس" دیدی.

أردوُغان 30-نجی آگوست ینگیش بایرامی سبأپلی برن بیاناتیندا شانلی تاریحینگ بیر پارچاسی بوُلان اولی ینگیش ینگ 99-نجی ییللیغینا قوُوشماغینگ باغتیارلیغی نینگ ایچرسینده بوُلاندیغینی بیلدیردی.

میللتینگ، قبرس تۆرکلری نینگ و دۆنیأنینگ دۆرلی یورتلاریندا یاشایان یورتداشلارینگ هر بیری نینگ ینگیش بایرامینی قوتلان أردوُغان، بو بویساندیریجی گۆنده اؤزلرینی یالنگیز قوُیمایانلارا اؤزی و میللتی آدیندان مینتدارلیق بیلدیردی.

أردوُغان شو میناسیبت بیلن قاراشسیزلیق اورشونینگ (1919-1923) باش توتانی و جمهوریتینگ اساسلاندیریجیسی غازی مصطفی کمال آتاتۆرک-ی، بیک میللت مجلیسی نینگ دگأرلی آغضالارینی و قشونینگ قاهریمان عسگرلرینی رحمت بیلن یاد اتدیگینی بیلدیردی.