أردوُغان: یورتداشلارینگ یاشاییشی نینگ حیلینی یوُقارلاتماق اۆچین تاغاللا ادیأریس

تۆرکیأنینگ جمهورباشلیغی رجب طیب أردوُغان یورتداشلارینگ یاشاییشینی هر پوداقدا یوُقارلاتماق و راحاتلاتماق اۆچین تاغاللا ادیأندیکلرینی آیتدی.

أردوُغان آنکارادا توُکی آدلی قورامانینگ سالان 1 میلیونینجی اؤیۆنینگ آچارینی ایه سینه قوُوشورماق داباراسیندا بیانات بردی.

شهرلرینگ یاشاییجیلاری نینگ سانی نینگ اؤرأن یوُقارلاندیغینی نیغتان و شوُل سبأپلی تۆرکیه ده چالت یاغدایدا اؤی سالماغینگ مجبوری بوُلاندیغینی آیدان أردوُغان،

"2003-2019 ییللاری آرالیغیندا 1 میلیون 173 جایدا 11 میلیون 320 مۆنگ اؤی سالیناندیر. بو سان، تۆرکیأنینگ اؤی مسئله سینی چؤزگۆده قوُوشورماغیندا سوُنگقی 19 ییلینگ أهمیتینی گؤرکِزیأندیر" دیدی.

أردوُغان:

"ایندیکی گۆنده میللتیمیز دیکه‌دیلن کؤپ قاتلی جایلاری بوُلان شهرلرینگ یرینه آز مرتبه لی اؤیلری بوُلان شهرلر ایسله یأر. میللتیمیز دگأر قوُشان، مدنیتیمیزی یاشادان، داشقی قورشاوا اۆنس برن شهرلری ایسله یأر. آچ آچان دوُلاندیریلان شهرلری ایسله یأر. شهری شهرینگ حأکیمی بیلن بیله لیکده دوُلاندیرماق ایسله یأر" دیدی.