أردوُغان پوتین بیلن تلفن آرقالی دوشوشیق گچیردی

تۆرکیأنینگ جمهورباشلیغی رجب طیب أردوُغان روسیانینگ یوُلباشچیسی ولادیمیر پوتین بیلن تلفن آرقالی دوشوشیق گچیردی.

کرملین دن بریلن ماغلوماتا گؤرأ بو دوشوشیقدا روسیانینگ تۆرکیأ هوُوا قاتناوی نینگ تأزه دن باشلاتماغی و روسیانینگ اؤندۆریأن اسپوتنیک وی واکسنی نینگ تۆرکیأ برمه گی باراسیندا گپله شیلدی.

ایکی یوُلباشچی قاراباغ مسئله سی باراسیندا دا گنگه شدی.

کرملین ینگ برن ماغلوماتیندا شیله دییلیأر:

"دوشوشیقدا تۆرک- روس اوُرتاق بارلاغ مرکزی باراسیندا اومیتلی قاراییشلار بوُلدی. تۆرکیأنینگ جمهورباشلیغی؛ روسیا، ارمنیستان و آذربایجان ینگ یوُلباشچیلاری نینگ 2020-نجی ییلینگ 9-نجی نویابر و 2021-نجی ییلینگ 11-نجی یانوارینداقی ایلالاشیغی نینگ دوُلولیغینا اولغاما گیریزیلمه گی اۆچین روسیانینگ تاغاللالارینا قوُلداو بریأندیکلرینی آیتدی"

بیاناتدا هر ایکی یوُلباشچی نینگ دا بؤلگه دأکی ایقدیصادی اؤسۆش و قاتناو اۆپجۆنچیلیگی باشدا بوُلماق بیلن مسئله لر حاقیندا گنگه شه دوُوام اتجدیگینی بیلدیرندیکلری حابار بریلدی.

روسیا و تۆرکیأنینگ قشونلاری نینگ ادلب و سوریأنینگ دمیرقازیق گۆن دوُغارینداقی دارتغینلیغی آزالتماق اۆچین بیله لیکده ایش آلیپ بارجاقدیغی بیلدیریلدی.