تۆرکیه ده آننا گۆنی 18 یاشیندان اولی بوُلانلارا واکسن اورولماغا باشلار

تۆرکیه ده آننا گۆنۆنده 18 یاش اۆستی بۆتین یورتداشلار واکسن اۆچین نوُبات آلیپ بیلر.

تۆرکیأنینگ ساغلیغی قوُراییش وزیری فخرالدین قوُجا بیلیم گنگه شی نینگ اوُتورشیغیندان سوُنگرا برن بیاناتیندا 18 یاشدان اولی بوُلانلارینگ آننا گۆنۆندن باشلاپ سانجیم بوُلوپ بیلجکدیکلرینی آیتدی.

فخرالدین قوُجا کروناویروس ینگ دلتا ورسیونی باراسیندا دا "یوردومیزدا دلتا پلاس گؤرۆلمه دی. دلتا ورسیونی یوُقاشان 134 آدام بار. بو ورسیون 16 ولایاتیمیزدا گؤرۆلدی. عمومان ایستامبول دا" دیدی.

بیله کی تاراپدان تۆرکیه ده سوُنگقی 24 ساغاتدا کروناویروس سبأپلی 65 آدام آرادان چیقدی.

تۆرکیه ده کروناویروس سبأپلی آرادان چیقانلارینگ سانی 49 مۆنگ 358 آداما یتدی.

دۆین 224 مۆنگ 192 آدام تست بردی.

شوُلاردان 550 آدامینگ کسل بوُلاندیغی و 5 مۆنگ 809 آداما دا کرونا ویروسی نینگ یوُقاشاندیغی خابار بریلدی.

سوُنگقی 24 ساغاتدا 5 مۆنگ 917 آدام ساغلیغینا قوُوشدی.

ساغلیغینا قوُوشانلارینگ سانی 5 میلیون 248 مۆنگ 862 آداما یتدی.