أردوُغان بروکسل ده بایدن بیلن دوشوشیق گچیرر
تۆرکیأنینگ یوُلباشچیسی 14-نجی ایوندا بو ماصلاحاتینگ چأگینده آمریکانینگ یوُلباشچیسی جو بایدن بیلن دوشوشجاقدیغینی آیتدی
تۆرکیأنینگ جمهورباشلیغی رجب طیب أردُوغان ایستامبول ینگ اۆسکۆدار اترابیندا آباتلاناندان سوُنگ عیباداتا آچیلان شهریبان حاتون متجیدینده مطبوغاتا بیانات بردی.
أردوُغان "بیلشینگیز یالی یاقیندا ناتونینگ یوُلباشچیلار ییغناغی گچیرلر. ایلکینجی نوُباتدا ناتو آغضا یورتلاری حؤکمۆنده دورموشا گچیریلن و گچیریلجک ایشلر حاقیندا گنگه شریس. تۆرکیه ناتوآ آغضا ایلکینجی 5 یوردونگ ساناویندا یر آلیان گۆیچلی یورتدیر" دیدی.
تۆرکیأنینگ یوُلباشچیسی 14-نجی ایوندا بو ماصلاحاتینگ چأگینده آمریکانینگ یوُلباشچیسی جو بایدن بیلن دوشوشجاقدیغینی آیتدی.
بایدن بیلن تۆرکیه بیلن آمریکانینگ آراسینداقی اؤزآرا قاتناشیقلار حاقیندا گنگه شجکدیگینی آیدان پرزیدنت أردوُغان "ایش ساپاریمینگ چأگینده اؤزآرا دوشوشیقلار گچیررین. بریتانیانینگ باش وزیری بوریس جانسون و آلمانیانینگ باش وزیری آنگلا مرکل بیلن دوشوشارین. مکرون بیلن تۆرکیه- فرانسیا قاتناشیقلاری حاقیندا گنگه شرین" دیدی.
دِگیشلی حابارلار
داشاری ایشلر وزیرلیگی ۱۹۱۵ ییلینداقی واقالار بیلن باغلانشیقلی بیانات بردی
تۆرکیأنینگ داشاری ایشلر وزیرلیگی مسئله بیلن باغلانشیقلی یازماچا بیانات بردی