أردوُغان آمریکانینگ ایسرائیلا یاراغ ساتووینی برک تانقیت اتدی

تۆرکیأنینگ جمهورباشلیغی رجب طیب أردوُغان آمریکانینگ یوُلباشچیسی جو بایدن ینگ ایسرائیلا یاراغ ساتووینا روغصات برمه گینی برک یازغاردی و "سیز قانلی اِللِرینگیز بیلن تاریح یازیارسینگیز" دیدی.

أردوُغان کابینه نینگ ماصلاحاتیندان سوُنگ برن بیاناتیندا،

"سیز قانلی اللرینگیز بیلن تاریخ یازیارسینگیز. شو گۆن ده یانگاداندان یاتلادیارین، 84 میلیون تۆرکیه لی حؤکمۆنده قدس اۆچین نوُباتیمیزا دوُوام اتدیریأریس دوُوام دا اتدیرریس. فلسطین ینگ توُپراقلاری قان بیلن یوولیار. سیز مونگا قوُلداو بریأرسینگیز." دیدی.

"آمریکانینگ ایزیندان گیدن یورتلارینگ 2017-نجی ییلینگ آخیریندا قدس شهرینی ایسرائیل ینگ پایتاغتی دییپ تاناماقلاری بو قاتیل دؤولتینگ قان دؤکمه‌ک باراسینداقی ایشدأسینی یوُقارلاداندیر" دیه ن أردوُغان،

"ایسرائیل 5-6 یاشینداقی چاغالاری اؤلدۆرن، زنانالاری یرلرده سۆیرأپ اؤلدۆرن، قارریلاری اؤلدۆرن قاتیل. بولارا منگزه ش بوُلجاق تایلاری یوُقدیر" دیدی.

بایدن ینگ ایسرائیلا 735 میلیون دلارلیق یاراغ ساتووینا روغصات برمه گینه ده اۆنس چکن أردوُغان، اتریش ینگ باش وزیرلیک اداراسینا ایسرائیل ینپ بایداغی نینگ قوُیولماغینی برک یازغاردی و

"اتریش دؤولتی اؤزی قیرغینچیلیق ادن یهودیلارینگ تؤله‌گینی مسلمانلاردان آلماق ایسله یأن بوُلمالی" دیدی.

أردوُغان "قدس ینگ 3 دینینگ وکیللریندن بیر کمیسیون تاراپیندان دوُلاندیریلماغی، گۆنۆمیزدأکی شرطلرده اینگ دوُغری و توتان یرلی چأره بوُلجاقدیر" دیدی.