أردوُغان: جو بایدن حاقیقی بوُلمادیق سؤزلر آیتدی

تۆرکیأنینگ جمهورباشلیغی رجب طیب أردوُغان آمریکانینگ یوُلباشچیسی نینگ 1915-نجی ییللار باراسیندا آیدان سؤزلرینه برک قارشیلیق گؤرکِزدی.

أردوُغان بایدن ینگ دۆیپسوز، حاقسیز و حاقیقاتا باپ گلمه یأن سؤزلر آیداندیغینی بیلدیردی و "هیچ بیر تاریحی و حقوقی سندی بوُلمادیق بو سؤزلر میللتیمیزینگ هر بیری یالی بیزی ده اؤرأن قیناندیدی. بایدن ینگ بیاناتی رادیکال ارمنی تاراپلار و تۆرکیأ قارشی بوُلان توُپارلارینگ باسیشی بیلن بوُلاندیغینی پیکیر ادیأریس اِمما بو یوُلدان آلنی آق، ویجدانی راحات و یۆره گی ایناملی بوُلجاق تک میللت و دؤولتینگ بیز بوُلاندیغیمیزی دا یاتلاماق ایسله یأرین. آمریکا و اوروپا باشدا بوُلماق بیلن بیزه "قیرغینچیلیق" اتهامی یۆکله جک بوُلانلارینگ هممه سی نینگ شیله دنگِشدیرمه لردن سوُنگرا آدامزادینگ آراسینا چیقجاق یۆزی بوُلماجاقدیر" دیدی.

أردوُغان عثمانلی نینگ بالکان دا قفقازا چنلی توُپراغینداقی رایات سانی نینگ یاریسی بیلن بارابار بوُلان 10 میلیون آدامینگ اؤلِندیگینی و یاریسی نینگ دا سۆرگۆن قینچیلیقلارینی باشدان گچیرندیگینی آیتدی و "مونی بیز آیتمایاریس، گۆن باتارلی تاریحچیلار آیدیار. اۆنس برینگیز، بو 10 میلیون آدام بیلن باغلانشیقلی نه یاراغلی بیر باش بوُزار توُپارینی، نه بیر فتوصوراتی نه ده اوتانچ بریجی باشغا هیچ حیلی حکیایا گؤرۆپ بیلمه یأرسینگیز" دیدی.

أردوُغان 1915-نجی ییلداقی واقالار بیلن باغلانشیقلی "اوُرتاق تاریح کمیسیونی نینگ قورالماغینی تکلیپ ادندیکلرینی" اِمما جوُغاپ آلماندیقلارینی یاتلاتدی.

تۆرکیأنینگ جمهورباشلیغی شوُل واقالاردا کؤپ سانلی یاراغسیز تۆرک و کۆردینگ ده ارمنی باش بوزارلار تاراپیندان اؤلدۆریلندیگینی آیتدی و ارمنی باش بوُزارلارینگ 40-آ قوُلای قوُزغالانگ توروزاندیغینی بیلدیردی.

أردوُغان "آصلیندا 24-نجی آپریل دا انسانی تراژدی تایدان هیچ زات بوُلمادی. 1915-نجی ییلینگ 24-نجی آپریلیندا دینگه عثمانلی دؤولتی نینگ ساواشان یورتلاری بیلن بیر بوُلوپ عثمانلی دؤولتینه قارشی حرکت ادیأن داشناک، هینچاق و رامگاوار یالی قورامالاری یاپیپ 235 دوُلاندیریجی نینگ توسساغ ادیلن گۆنیدیر" دیدی.

وان ینگ زوه اوُباسیندا یاشایان 2 مۆنگ 500 یاشاییجی نینگ هیچ بیرینی دیری قالدیرمایان ارمنی باش بوُزار توُپارلارینی یاتلادان أردوُغان دینگه موش دا 1 ییل ایچرسینده 20 مۆنگ یورتداشینگ شوُل ارمنی باش بوِزارلار تاراپیندان قیریلاندیغینی آیتدی.