أردوُغان ارمنیلر بیلن تۆرکلرینگ بیله لیکده لیگی نینگ أهمیتینه اۆنس چکدی
تۆرکیأنینگ جمهورباشلیغی نینگ ارمنی جمغیتینه أهمیتلی یۆزلِنمه سی
تۆرکیأنینگ جمهورباشلیغی رجب طیب أردوُغان "تۆرکلر بیلن ارمنیلرینگ عاصیرلارچا دوُوام ادن و انسانلیغا گؤرهلده بوُلان بیله لیکده یاشاماق باراداقی مدنیی نینگ اونودیلماغینا روغصات برمهریس" دیدی.
أردوُغان تۆرکیأنینگ ارمنیلری نینگ پاتریارکی (دینی یوُلباشچیسی) ساهاک مشعلیان اۆچین حاط اوغراتدی.
مشعلیان و ارمنی جمغیتی نینگ دگأرلی آغضالارینا سالام یتیرن أردوُغان،
"بیرینجی جاهان اورشی نینگ قین شرطلرینده آرادان چیقان عثمانلی نینگ ارمنیلرینی حوُرمات بیلن یاد ادیأرین و آغتیقلارینا قینانچ بیلدیریأرین" دیدی.
اتنیک، دین، دیل و رنک تاپاوودینا قارامازدان هممهلرینگ آدام اوُغلی بوُلاندیغینا اۆنس چکن أردوُغان،
"بو توُپراقلاردا عاصیرلاردان بأری پاراحاتچیلیق ایچینده بیله لیکده یاشاپ آی ییلدیزلی قیزیل بایداغیمیزینگ کؤلهگِهسینده دینچ یاغدایدادیرس" دییپ بِلله دی.
تۆرکیأنینگ جمهورباشلیغی شیله دوُوام اتدی:
"بیزی بیر آرادا یاشادان زات نه پیدالار و نه حاساپلاردیر. بیزی بیر آرادان یاشادان؛ بیر یوردا، بیر قیمماتلیقلارا، یوُقاری ایده آلللارا بوُلان یۆرهکدن باغلی بوُلماغیمیزدیر. تۆرکیه جمهوریتی نینگ، دنگ حقوقلی، ارکین و آرلی رایاتلاری بوُلماق، هممأمیز اۆچین بویسانچدیر. اوُرتاق مدنیتیمیز، ارمنی جمغیتی نینگ معماری، موسیقی و صونغاتداقی قوُشانتلاری بیلن بیله لیکده یتیشدیرن کؤپ سانلی لوقمان، مهندیس، حقوقچی، ایشه وۆرینگ ماغلومات و زحمتی بیلن بایلاشیپ اؤسِندیر. تۆرکلر بیلن ارمنیلرینگ عاصیرلارچا دوُوام ادن و انسانلیغا گؤرهلده بوُلان بیله لیکده یاشاماق باراداقی مدنیی نینگ اونودیلماغینا روغصات برمهریس. تاریحچیلارینگ وظیپه سی بوُلان مسئله نینگ اۆچۆنجی تاراپلار تاراپیندان سیاسی یاغدایا گتیریلمه گی هیچ کیمیگ بأجبیتینه بوُلماز. کیملیگیمیزی و بارلیغیمیزی دینگه گچمیشدأکی قینچیلیقلار بیلن قورماغینگ تأزه نسیللره ده اولی حاقسیزلیق بوُلجاقدیغینا اینانیارین"