شو ییلینگ باشیندان بأری 103 ترورچی توسساغ ادیلدی

2021-نجی ییلینگ باشیندان بأری قورالان عسگری حرکتلرده 113 مۆنگ 768 قاچاق بوُسغونینگ سرحتلری گچمه گی دوروزیلدی. 103 ترورچی دا توسساغ ادیلدی.

توسساغ ادیلن ترورچیلاردان 48-ی پ. ک. ک/ ی. پ. گ نینگ ترورچیلاری.

تۆرک قشونی گیجه گۆندیز آلیپ باران ایشلرینه دوُوام اتدی.

1-نجی یانواردان 18-نجی آپریلا چنلی تۆرکیأنینگ عیراق، ایران و سوریه سرحتلری باشدا بوُلماق بیلن بی قانون بوُسغونچیلیغا قارشی 24 مۆنگ 56 حرکت قورالدی.

شوُل حرکتلرده 49 مۆنگ 403 بوُسغون توتولدی، 113 مۆنگ 768 بوُسغونینگ دا بی قانون یاغدایدا سرحتلردن گچمه گی دوروزیلدی.

103 ترورچی دا تۆرک عسگرلر تاراپیندان توسساغ ادیلدی.

شوُلاردان 48-ی پ. ک. ک/ ی. پ. گ نینگ ترورچیلاری، 32-سی فتؤ (فت الله چی ترور قوراماسی)، 14-ی داعش و 9-ی هیأت تحریر الشام دان.

سرحتلرده حوُوپسوزلیق اۆچین دیوار اؤرۆلمأگه ده دوُوام ادیلیأر.

سوریه بیلن بوُلان سرحدینگ دیواری نینگ 98 گؤتریمی اؤرۆلدی. شو واغتا چنلی سوریأنینگ سرحدینه 892 کیلومتر دیوار اؤرۆلدی و 18.9 کیلومتر قالدی.

ایران بیلن تۆرکیه سرحدینده ده 147.4 کیلومتر دیوار اؤرۆلدی و قالان 96 کیلومترینگ دیواری اۆچین ده ایشلر آلیپ باریلیار.

عیراق بیلن تۆرکیه آراسینداقی سرحتده ده 35 کیلومتر دیوار اؤرۆلر.