چاووش اوُغلی: تۆرکیه اؤزۆنینگ و قبرس ینگ تۆرک حالقی نینگ بأحبیتلرینی قوُراجاقدیر

تۆرکیأنینگ داشاری ایشلر وزیری مولود چاووش اوُغلی " تۆرکیأنینگ اؤزۆنینگ و قبرس ینگ تۆرک حالقی نینگ بأحبیتلرینی قوُراماغا گۆیجی باردیر" دیدی.

چاووش اوُغلی رسمی ساپار بیلن آنکارا گلن یونانلی ایشدشی نیکوس دندیاس بیلن اوُرتاق مطبوغات ییغناغینی گچیردی.

تۆرکیه بیلن یونان ینگ قاتناشیقلاریندا اتدیم بوُلدی دیمه کدن اوزاق دورولماغی بارادا چاغیریش برن چاووش اوُغلی،

"یونان بیلن بار بوُلان مسئله لری اؤنگین دیالوگ یوُلی بیلن چؤزگۆده قوُوشوریلماغی باردا اینانیارین" دیدی.

"گۆن باتار تراکیا من تۆرک دییأن بوُلسا تۆرکدیر. مونی قابول اتمأگه مجبورسینگیز" دیه ن تۆرک وزیر، هر ایکی یوردونگ ایچیندأکی اتنیک حالقینگ دینچ یاغدایدا یاشاماغی نینگ قاتناشیقلارا قوُوی تأثیر یتیرجکدیگینه اۆنس چکدی.

مولود چاووش اوُغلی تۆرکیأنینگ گۆن دوُغار آق دنگیزده اؤز بِللأن و بیرلشن میللتلر قوراماسینا تاصصیقلادان دنگیز سرحدی ایچرسینده ایش آلیپ بارماغا دوُوام اتجکدیگینه اۆنس چکدی.

تۆرکیأنینگ شو گۆنکی گۆنه چنلی تۆرکیأنی داشلاشدیریان و قبرس ینگ تۆرک حالقی نینگ حاقلارینا ادیلن أسگِرمه زچیلیگه نأمه لر ادیپ بیلجکدیگینی گؤرکِزندیگینی نیغتان چاووش اوُغلی،

" تۆرکیأنینگ اؤزۆنینگ و قبرس ینگ تۆرک حالقی نینگ بأحبیتلرینی قوُراماغا گۆیجی باردیر" دیدی.

میهمان وزیر بیلن ایلایتان دا ترورچیلیق بیلن گؤره ش مسئله سینده قُووی یاغدایدا گۆررۆنگ ادندیکلرینی آیدان چاووش اوُغلی،

"ایلایتا دا فتؤ، پ. ک. ک و DHKP-C یالی قورامالار بلن گؤره شیمیزده موندان دا تأثیرلی حیذماتداشلیق اتمه گی آرزوو ادیأیس" دیدی.

یونانینگ داشاری ایشلر وزیری نیکوس دندیاس بوُلسا تۆرکیه بیلن ایقدیصادی تایدان اؤنگین یاغدای دؤره دیپ بیلجکدیکلرینی آیتدی.

یوردونینگ تۆرکیأنینگ اوروپا بیله له شیگینه آغضا بوُلماغینی قوُلدایاندیغینی آیدان دندیاس، تۆرک یورتداشلاری نینگ اوروپا بیله له شیگینه ویزاسیز ساپار قورماغی مسئله سینده ده دوشوشماغا طایارلی بیلدیردی.

دندیاس چاووش اوُغلی بیلن اؤزآرا دوشوشیغیندان اؤنگ تۆرکیأنینگ جمهورباشلیغی رجب طیب أردوُغان تاراپیندان قابول ادیلیپدی.