أردوُغان کانال ایستامبول بارادا بیانات بردی

تۆرکیأنینگ جمهورباشلیغی رجب طیب أردوُغان کانال ایستامبول تاسلاماسی بیلن باغلی برن بیاناتیندا "بو یرده بیزینگ قاراشسیزلیغیمیزی، اؤزباشداقلیغیمیزی دوُلولیغینا تاصصیقلایان اثر دؤره دیأریس" دیدی.

تۆرکیأنینگ جمهورباشلیغی، میللت کیتاپحاناسیندا گچیریلن "کیتاپحانا گپله شیکلری" آدلی چأرأنینگ چأگینده یاشلارینگ سوُراغلارینا جوُغاپ بردی.

أردوُغان کانال ایستامبول تاسلاماسی نینگ تۆرکیه اۆچین آرتیقماچلیقلاری نینگ نأمه لر بوُلجاقدیغی، مونترو ایلالاشیغیندان چیقیلیپ چیقیلماجاقدیغی بیلن باغلی سوُراغا دا جوُغاپ بردی.

رجب طیب أردوُغان کانال ایستامبول تاسباماسی نینگ مونترو ایلالاشیغی بیلن آراباغلانشیغی نینگ بوُلماندیغینی آیدیپ، "42-43 کیلومتر اوزینلیغیندا بوُلجاق کانال بو. بو کانالینگ اۆستی بیلن قارادنگیزی مارمارا دنگیزی بیلن بیرله شدیرریس. شوُنونگ بیلن باغلیلیقدا قارادنگیزی و مارمارا دنگیزی تاراپیندان گلن گأمیلری قاراشدیرماق یا دا قاراشدیرمازلیق مؤهلتلری بیزینگ الیمیزده بوُلار. مونونگ مونترو بیلن هیچ حیلی آراباغلانشیغی یوُق. مونترو بسفر بوُغازی بیلن باغلانشیقلی بیر ایلالاشیق. شوُل سبأپلی بو یرده بیزینگ قاراشسیزلیغیمیزی، اؤزباشداقلیغیمیزی دوُلولیغینا تاصصیقلایان اثر دؤره دیأریس" دیدی.

کانال ایستامبول تاسلاماسی نینگ تۆرکیأنی حاص آسودا و آرقایین اتجکدیگینی، ایستامبولینگ اؤرأن اولی بایلیغا قوُوشجاقدیغینی آیدان تۆرکیأنینگ جمهورباشلیغی، بسفر بوُغازی نینگ هم داشقی قورشاو تایدان اؤرأن آرقایینلاشجاقدیغینی حابار بردی.