دیک اوچار پاجیغاسیندا شهیت بوُلانلار اۆچین دویغوداشلیق بیلدیریلدی
تۆرکیأنینگ یوُلباشچیلاری و حزبلرینگ باشلیقلاری واقا سبأپلی قینانچ بیلدیردی
تۆرکیه بیتلیس ده یره قاچان دیک اوچاردا شهیت بوُلان عسگرلری اۆچین یاس توتیار.
واقانینگ بوُلان ایلک واغتیندان بأری بارلاغ خالاص ادیش توُپارلاریندان ماغلومات آلیان تۆرکیأنینگ جمهورباشلیغی رجب طیب أردوُغان، شهیتلره رحمت دیله دی و ماشغالالارا و تۆرکیأنینگ یاراغلی گۆیچلرینه دویغوداشلیق بیلدیردی.
أردوُغان شهیت ژنرال عثمان أرباش ینگ ماشغالاسی بیلن تلفن آرقالی دوشوشیق گچیردی.
تۆرکیأنینگ جمهورباشلیغی، توییتردان دان برن بیاناتیندا دا،
"قاهرامان شهیدیمیزه آلله دان رحمت، یارالیلارا چالت یاغدایدا ساغلیق آرزوو ادیأرین. غوصصالی ماشغالالار و عزیز میللتمیزه دویغوداشلیق بیلدیریأرین" دیدی.
تۆرکیأنینگ بیک میللت مجلیسی نینگ باشلیغی مصطفی شن توُپ دا،
"شهیت بوُلان یوردونگ ییگیتلرینه آلله دان رحمت، یارالانان عسگرلریمیزه ده چالت یاغدایدا شیپا دیله یأرین. میللتمیزینگ باشی ساغ بوُلسون" دییپ بیلدیردی.
تۆرکیأنینگ جمهورباشلیغی نینگ اوُرونباساری فواد اوکتای دا،
"شهیت بوُلان قاهریمان عسگرلریمیزینگ غوصصاسی یۆره گیمیزی یاقدی. شهیتلریمیزه آلله دان رحمت، یارالیلارا چالت یاغدایدا ساغلیق آرزوو ادیأرین. عزیز میللتیمیزینگ باشی ساغ بوُلسون" دییپ بیلدیردی.
عادالات و اؤسۆش پارتیاسی نینگ مطبوغات گنگه شچیسی عمر چلیک ده برن بیاناتیندا واقا سبأپلی قینانچ بیلدیردی.
محالیف جمهوریت حالق پارتیاسی نینگ باشلیغی کمال قیلیچدار اوُغلی دا برن بیاناتیندا دویغوداشلیق بیلدیردی.
ایی پارتی نینگ باشلیغی مرال آق شنر ده شهیتلره آلله دان رحمت سوُرادی و یارالیلارا چالت یاغدایدا بجرگی آرزوو اتدی.
