تۆرکیه بیلن آمریکانینگ قاتناشیغی سلجریلدی

تۆرکیأنینگ جمهورباشلیقلیغی نینگ مطبوغات گنگه شچیسی ابراهیم قالین، آمریکانینگ ترورچیلیغا بریأن قوُلداوینا اۆنس چکیپ، آمریکانینگ یوُلباشچیسی جو بایدن ینگ دوُلانشیغی نینگ بو سیاساتیندان ال چکمه گی نینگ ضروردیغینی آیتدی.

قالین گۆن ترتیبی نینگ ایلری توتولیان اوغورلاری باراسیندا بیانات بردی.

تۆرکیه- آمریکا قاتناشیقلاری نینگ تاریحی بیر قاتناشیق بوُلاندیغینا اۆنس چکن قالین،

"بو تاریحی دؤوۆرده کؤپ سانلی توُلقون بوُلدی. دۆرلی دوُلانشیقلار ایش باشینا گلنده نأچه واغت قاتناشیقلاریمیز اؤرأن قوُوی و بأحبیتلی بوُلدی و دارتغینلیقلی بوُلان دؤورلردن ده گچدی. اِمما اۆیتگه مه یأن زات تۆرکیأنینگ بؤلگه دأکی استراتژیک أهمیتی" دیدی.

بایدن ینگ بو استراتژیک أهمیتی سبأپلی تۆرکیه بیلن یاقیندان ایشله شمه ک ایسله جکدیگینی آیدان قالین،

"هاوا، ایلالاشیقسیزلیقلاریمیز بار. اف- 35 ساواش اوچارلاری، کاتسا چأکلندیرمه لری، روسیادان آلینان اس- 400 هوُوا قوُراغ سیستملری. فت الله چی ترور قوراماسی (فتؤنینگ) آمریکادا بوُلماغی و هنیز ده بو مسئله لر باراسیندا تۆرکیأنی راضی اتجک ایشینگ آلیپ باریلمازلیغی، آیرالیقچی ترور قوراماسی پ. ی. د- ی. پ. گ بریلن قوُلداو یالی مسئله لر اساسی مسئله لریمیز" دیدی.

آمریکانینگ پ. ی. د- ی. پ. گ برن قوُلداوی نینگ تۆرکیأنینگ میللی حوُوپسوزلیغینا دوُغریدان تهدیت بوُلاندیغینی نیغتان ابراهیم قالین،

"پ. ی. د- ی. پ. گ مسئله سینده آمریکانینگ یالنگیش سیاساتینا دوُوام اتمه گی، سوریه مسئله سینده چؤزگۆت تاپمازلیغی یالی مسئله لر اؤزآرا قاتناشیقلاریمیزا ضلل برمأگه دوُوام ادیأر. بایدن ینگ دوُلانشیغی موندان بیلأک بو سیاساتا یانگاداندان قارامالیدیر" دییپ بِلله دی.