أردوُغان: انسان حاقلاری باراداقی تأزه ایشجنگ پلانینی بیان ادریس

تۆرکیأنینگ جمهورباشلیغی رجب طیب أردوُغان "اؤنگۆمیزدأکی سه شنبه گۆنی بۆتین قاتلاقلارینگ ایسله گینه لاییقلیقدا بوُلان انسان حاقلاری ایشجنگ پلانینی بیان ادریس" دیدی.

أردوُغان ایستامبول دا عادالات و اؤسۆش پارتیاسی نینگ ولایات کنگره سینده بیانات بردی.

تۆرکیأنینگ جمهورباشلیغی و عادالات و اؤسۆش پارتیاسی نینگ باشلیغی ایستامبول ینگ 7 اقلیم و 3 قاره نینگ مرکزی بوُلاندیغینی آیتدی و ایستامبول ینگ مرکز بلدان یاغنی شهرلرینگ، دۆنیأنینگ مرکزی بوُلاندیغینی نیغتادی.

أردوُغان "ایستامبول فاتح سلطان محمت، ابوایوب انصاری و آق شمس الدین ینگ و کؤپ سانلی کؤنگۆل پاتشالاری نینگ شهریدیر. شیله بیر شهره حیذمات اتمه ک اولی زاتدیر" دیدی.

رجب طیب أردوُغان ایستامبولا سوُنگقی 18 ییلدا 275 میلیارد تۆرک لیراسی مایا قوُیاندیقلارینی بیلدیردی و شوُل بیر واغتدا 38 بیلیم یوردونی آچاندیقلارینی آیتدی.

تۆرکیأنینگ جمهورباشلیغی ایستامبول دا 173 مۆنگ اؤی پروژه سینی عامالا آشیراندیقلارینی نیغتادی و ایستامبول دا دؤرت باندلی یوُللارینگ 782 کیلومتره یتندیگینی حابار بردی.

أردوُغان تأزه رفرم پلانی نینگ دا طایارلاناندیغینی بیلدیردی و ایقدیصادی رفرم بوقچاسینی اؤنگۆمیزدأکی هپده لرده بیلدیرجکدیگینی آیتدی.