أردوُغان: ترورچیلیق بیلن گؤره شیمیزه دوُوام ادریس

تۆرکیأنینگ جمهورباشلیغی رجب طیب أردوُغان، تۆرکیأنینگ سرحتلری نینگ ایچینده و داشاریسیندا دوُوام ادیلن ترورچیلیق بیلن گؤره ش حرکتلری نینگ هم قانونی هم ده انسانبی بیر وظیپه بوُلاندیغینی بیلدیردیو

تۆرکیأنینگ جمهورباشلیغی و عادالات و اؤسۆش پارتیاسی نینگ باشلیغی أردوُغان پارتیاسی نینگ مجلیسدأکی توُپارلایین ماصلاحاتیندا بیانات بردی.

تۆرکیأنینگ ترورچیلیق بیلن گؤره ش ده توتان یرلیلیگی نینگ بیرنأچه یوردی بینجالیق ادیأندیگینی نیغتان أردوُغان،

"ینه بیر گزه ک قایتالایارین. بو حرکتلر هم قانونی حاقیمیز هم ده انسانی وظیپأمیزدیر. گره ک بوُلان واغتیندا ترورچیلیغینگ کؤکۆنه چنلی گیدیپ تمیزله مِک بیزینگ وظیپأمیزدیر" دیدی.

أردوُغان،

"نأمه اتسه لر ده اتسینلر، میللتیمیزینگ جبیسلیگینی یوُق ادیپ بیلمه جکدیرلر. استقلال و گلجگه بوُلان عشقیمیزی سؤندۆریپ بیلمه جکدیرلر. جانیمیزدان قیمماتلی گؤرن واطانیمیزی پارچالاپ بیلمه جکدیرلر. یوردومیزی دیزا چؤکدۆریپ بیلمه جکدیرلر" دیدی.

دۆنیأده بۆتین یاغدایلاری اۆیتگه دن تأزه گؤرنۆشلی کروناویروس (کووید- 19) یوُقانچ کسلینی ده یاقیندان ایزارلایاندیقلارینی آیدان تۆرکیأنینگ جمهورباشلیغی،

"یوردومیزا دا تأثیرینی یتیرن ویروس 2 میلیوندان کؤپ یورتداشیمیزا یوُقاشدی. آلینان چأره لر بیلن اینگ آز ییتگی بیلن بو مسئلأنی چؤزمه ک اۆچین اولی اۆستۆنلیگه قوُوشدیق. 2020-نجی ییلیندا ایقدیصادی تایدان اؤسن بیر نأچه یوردونگ آراسینا گیردیک" دیدی.

أردوُغان "شو واغت گۆن باتار تۆرکیأنینگ ساغلیغی ساقلاییش سیستمیندن گؤره لده آلیار" دییپ بِلله دی.