أردوُغان گۆن باتار یورتلاری نینگ ترورچیلیق مسئله سینه قاراییشینی برک تانقیت اتدی

أردوُغان: "أهمیتلی سِپگیده یِتیلن حرکتلریمیزینگ گؤورۆمینی اؤنگۆمیزدأکی دؤوۆرده حوُوپلارینگ دوُوام ادیأن بؤلگه لره تاراپ گینگِلده‌ریس"

1584772
أردوُغان گۆن باتار یورتلاری نینگ ترورچیلیق مسئله سینه قاراییشینی برک تانقیت اتدی

تۆرکیأنینگ جمهورباشلیغی و عادالات و اؤسۆش حزبی نینگ باشلیغی رجب طیب أردوُغان، پارتیاسی نینگ (حزبی نینک) 7-نجی نوباتداقی ولایات کنگره سینده چیقیش اتدی.

أردوُغان عیراغینگ دمیرقازیغینداقی گارا بؤلگه سینده 13 تۆرک یورتداشی نینگ آیرالیقچی ترور قوراماسی پ. ک. ک تاراپیندان شهیت ادیلمه گی بیلن باغلانشیقلی "بی گۆنأ 13 یورتداشیمیزینگ اؤلدۆریلمه گی واقاسیندا، بیرنأچه آریق سسدن داشاری هیچ کیمی گؤرمه دیک. ای گۆن باتار، سیز نیره ده؟" دییپ سوُرادی.

رجب طیب أردوُغان "أهمیتلی سِپگیده یِتیلن حرکتلریمیزینگ گؤورۆمینی اؤنگۆمیزدأکی دؤوۆرده حوُوپلارینگ حأضیرکی واغتدا هم دوُوام ادیأن بؤلگه لره تاراپ گینگِلده‌ریس" دییپ بِلله دی.

"باشدان گچیریلن سوُنگقی واقا تۆرکیأنینگ پ. ک. ک قارشی گؤره ش اۆچین عیراغینگ دمیرقازیغیندا و سوریه ده آلیپ باریان حرکتلری نینگ سرحتلریمیزینگ حوُوپسوزلیغی، گلجگیمیز تایدان نأحیللی درجه ده مؤهۆمدیگینی ثبوت اتدی" دییپ آیدان تۆرکیأنینگ جمهورباشلیغی "سیزه دییپدیک، هایسی هینه گیرسه لر گیرسینلر، گیرن هینلرینده اوُلاری تاپاریس و اوُل یرده یوُق ادریس" دییپ حابار بردی.

پرزیدنت أردوُغان "اؤز حوُوپسوزلیغی و آسودالیغی اۆچین دۆنیأنی یاقداقدان هم چکینمه یأن ایزی‌گیدرسیزلیکلری شولار یالی یاغدایلاردا اؤزۆنی حاص هم بِللی ادیأر. باشغا بیر یوردونگ باشینا گلن ماحالی بۆتین دۆنیأنی آیاغا قالدیرجاق بی گۆنأ 13 یورتداشیمیزینگ اؤلدۆریلمه گی واقاسیندا، بیرنأچه آریق سسدن داشغاری هیچ کیمی گؤرمه دیک. ای گۆن باتار سیز نیره ده سینگیز؟ نأمه اۆچین دیمیارسینگیز؟ سیزده شولار یالی واقا بوُلان واغتی قیقیلیقلارینگیزدان یانگا اوُتوریپ بوُلمایار. 15-نجی ایول (ژوئیه) واقاسی باشدان گچیریلدی سسینگیز چیقمادی، ایندی بو واقادا سسینگیز چیقمایار. سسینگیز چیقسا دا چیقماسا دا بیز اؤز وظیپأمیزی بیلیأریس. بیز بو ترورچیلارا بو یورتدا پورصات برمه ریس" دییپ آیتدی.

تۆرکیأنینگ جمهورباشلیغی، گارانینگ قینچیلیقلی بیر بؤلگه دیگینی بِللأپ، "آلله نینگ یاردامی بیلن گارا سیندی، ایش قوتاردی. انچمه واغت مؤهۆم سپگیتلره یتیلن حرکتلریمیزینگ گؤورۆمینی اؤنگۆمیزدأکی دؤوۆرده حوُوپلارینگ دوُوام ادیأن بؤلگه لره تاراپ گینگِلده ریس. بولار یالی هۆجۆملره سزه ور بوُلمازلیق اۆچین حوُوپسیز یاغدایا گتیریلن بؤلگه لرده نأچه واغت گره ک بوُلسا، شوُنچا واغت قالاریس" دییپ بیلدیردی.



دِگیشلی حابارلار