قوُرانماق وزیری و ایچری ایشلر وزیری پنچه قارتال حرکتی باراسیندا بیانات بردی

میللی قوُرانماق وزیری خلوصی آقار عیراغینگ دمیرقازیغینداقی گارا بؤلگه سینده یؤره دیلن پنچه قارتال- 2 حرکتی بیلن باغلانشیقلی "عیراغینگ دمیرقازیغیندا قالماغا سینانشیان پ. ک. ک قارشی حرکتلریمیزه گؤورۆم تایدان یوُقارلادیلیپ دوُوام ادیلیأر" دیدی.

آقار تۆرکیأنینگ بیک میللت مجلیسی نینگ عمومی اوُتورشیغیندا برن بیاناتیندا پنچه قارتال – 2 حرکتی نینگ قوری یر قوُلداوی بوُلنی 35 کیلومتر ایچرده قورالاندیغینی، حرکتینگ حیل تایدان بیله کیلردن تاپاووتلی بوُلاندیغینی بیلدیردی.

تۆرک وزیر،

"حرکت قوری یردن قوُلداو بریلمأنی گچیریلدی. حرکت اۆچین اولی گیزلینلیک چأره لری آلیندی و اولی طایارلیق گؤرۆلدی" دیدی.

خلوصی آقار،

"دوُست و حیذماتداش یورتلاریمیزینگ ماغلوماتی بیلن بیله لیکده ادیلن حرکتدن اوُزال ماقصاتلار تاغاللالی یاغدایدا سایلاندی، حرکتینگ پلانی و ادیلمه گی یؤنه کی رایاتلارا ضلل برمأنی ادیلندیر" دیدی.

آقار، "یؤریته گۆیچلر پرسنلی تاراپیندان ایکی ترورچا یانگاداندان تسلیم بوُلونگ دییپ چاغییش بریلدی. تسلیم بوُلمادیلار. ایچرده اوُد آچیلشیق بوُلدی. حرکت، قاهریمان پرسنلیمیزینگ تاراپیندان، حوُوپسوزلیق چأره سی گؤرۆلیپ قین یاغدایدا گچیریلدی. هر یورت شیله حرکت قوراپ بیلمز. دیدی.

خلوصی آقار "حرکت بوُیونچا 51 ترورچی اؤلدی. شوُلارینگ 4-ی یوُقاری درجه لی ترورچی. 2 ترورچی دا توسساغ ادیلدی" دییپ نیغتادی.

تۆرکیأنینگ میللی قوُرانماق وزیری،

"ترور قوراماسی دۆین بوُلشی یالی موندان بیلأک ده اؤزۆی راحات یاغدایدا گؤرۆپ بیلمه جکدیر. هیچ بیر شهیدیمیزینگ آری آلینمان قالماز" دیدی.

تۆرکیأنینگ ایچری ایشلر وزیری سلیمان سوُیلو دا برن بیااتیندا پنچه قارتال 2 بارادا، ترورچیلیق بیلن گؤره شینگ بو گۆن باشلاماندیغینی، اِمما اینگ یاقین واغتدا آیرالیقچی ترور قوراماسی پ. ک. ک نینگ کؤکۆنینگ قورادیلجاقدیغینی بیلدیردی.

سوُیلو ترورچیلارینگ سانی نینگ "تۆرکیه ده 300-دن آزا یتیریلندیگینی اِمما ایران و عیراق دا 5 مۆنگ ترورچی نینگ بوُلاندیغینی" آیتدی و شیله دوُوام اتدی:

"شوُل یاغدایا سوریأنی ده دوچار ادندیکلری اۆچین چاغالاری اوُل یرده انه آتاسیندان آلیپ توُسلاما عسگرچیلیگه آلیارلار و شیله سانلاری 5 مۆنگ بوُلیار. بیزینگ ایشیمیز قوتارمادی، مونگا اۆنسۆنگیزی چکیأرین" دیدی.