آمریکا، آلمانیا و ایران دا تۆرکیأنینگ برن شهیتلری اۆچین دویغوداشلیق بیلدیردی

آمریکا، عیراغینگ گارا بؤلگه سینده آیرالیقچی ترور قوراماسی پ. ک. ک تاراپیندان شهیت ادیلن 13 تۆرک یورتداشی سبأپلی دویغوداشلیق بیلدیردی

1583955
آمریکا، آلمانیا و ایران دا تۆرکیأنینگ برن شهیتلری اۆچین دویغوداشلیق بیلدیردی

 

آمریکا، عیراغینگ گارا بؤلگه سینده آیرالیقچی ترور قوراماسی پ. ک. ک تاراپیندان شهیت ادیلن 13 تۆرک یورتداشی سبأپلی دویغوداشلیق بیلدیردی.

آمریکانینگ داشاری ایشلر وزیرلیگی گارادا 13 تۆرک یورتداشی نینگ شهیت ادیلمه گی باراسیندا بیانات بردی.

بیاتاندا شیله دییلیأر:

"آمریکا، تۆرک یورتداشلاری نینگ عیراغینگ کۆردیستان بؤلگه سینده اؤلدۆریلمه گینه قینانچ بیلدیریأر. ناتوداقی حیذماتداشیمیز تۆرکیأنینگ یانیندادیرس و سوُنگقی چاقنیشیقدا آرادان چیقانلارینگ ماشغالالارینا دویغوداشلیق بیلدیریأریس. تۆرک رایاتلاری نینگ ترور قوراماسی پ. ک. ک نینگ الینده اؤلدۆگی باراداقی حابار دوُغری بوُلسا، بو واقانی برک یاغدایدا یازغاریاریس"

ایران ینگ داشاری ایشلر وزیرلیگی نینگ مطبوغات گنگه شچیسی سعید خطیب زاده ده پ. ک. ک تاراپیندان تۆرک رایاتلاری نینگ شهیت ادیلمه گینی یازغاریاندیقلارینی آیتدی.

قطرینگ داشاری ایشلر وزیرلیگی ده تۆرک حؤکۆمتی و میللتینه دویغوداشلیق بیلدیردی.

آلمانیا دا پ. ک. ک تاراپیندان شهیت ادیلن 13 تۆرک ایلدشی سبأپلی دویغوداشلیق بیلدیردی و ترورچیلیغینگ هیچ بیر گؤرنۆشی نینگ هیچ حیللی مشروعیتی نینگ بوُلماجاقدیغینی بیلدیردی.

تۆرکیه دأکی داشاری یورتلی دیپلماتیک وکیلچیلیکلر ده پ. ک. ک تاراپیندان شهیت ادیلنلر سبأپلی دویغوداشلیق بیلدیردی.

موندان اوُزال آذربایجان، پأکیستان و قطر یالی یورتلار دا پ. ک. ک نینگ ادن بو واغشیچیلیقلی جنایاتینی برک یازغاریپدی.



دِگیشلی حابارلار