تۆرکیه ژانویه آییندا داشاری یورتلارا 2.3 میلیارد دلار اتومبیل ساتدی

تۆرکیه یانوار (ژانویه) آییندا داشاری یورتلارا 2 میلیارد 267 میلیون 427 مۆنگ دلار اتومبیل و یدک پارچا ساتدی.

اتوموتیو پوداغیندا تۆرکیأنینگ 20 ولایاتیندان داشاری یورتلارا اؤنۆم ساتیلدی.

بورسا، قوُجا الی و ساکاریا تۆرکیأنینگ داشاری یورتلارا اینگ کؤپ اتومبیل ساتان ولایاتلاری.

بورسادان گچن آی داشاری یورتلارا  556 میلیون 766 مۆنگ دلارلیق اتومبیل و یدک پارچا ساتیلدی.

قوُجااِلی ولایاتی نینگ داشاساتووی بوُلسا 549 میلیون 495 مۆنگ دلار بوُلدی.

ساکاریا ولایاتی 462 میلیون 359 مۆنگ دلار ساتوو بیلن اۆچۆنجی بوُلدی.

ایستامبول و آنکارا بو ولایاتلاردان سوُنگراقی اوُرونا ایه بوُلدی.

تۆرکیه اتوموتیو پوداغیندا اینگ کؤپ آلمانیا اؤنۆم ساتدی.

آلمانیا ژانویه آییندا تۆرکیه دن 321 میلیون 380 مۆنگ دلارلیق اتومبیل و یدک پارچا ساتین آلدی.

بریتانیا و اسپانیا بوُلسا ایکینجی و اۆچۆنجی بوُلدی.