ظریف بیلن چاووش اوُغلی ایستامبول‌دا دوشوشیق گچیردی

تۆرکیأنینگ داشاری ایشلر وزیری مولود چاووش اوُغلی، ایستامبول‌دا ساپاردا بوُلان ایرانلی ایشدِشی محمدجواد ظریف بیلن دوشوشدی.

دوشوشیقدان سُونگ ایکی وزیر مطبوغات ییغناغینی گچیردی.

تۆرک وزیر، نیجریادا قاچیریلان تۆرک گأمیچیلر باراسیندا،

"دۆین قوُوی بیر حابار آلدیق. 15 دوُغانیمیزینگ هممه سی نینگ ساغلیق یاغدایی قُووی. ان شاالله ینه قوُوی حابارلاری آلماغا دوُوام ادریس" دیدی.

چاووش اوُغلی ایرانلی ایشدیشی بیلن دولماباغچه کؤشگۆنده دوشوشاندان سوُنگ مطبوغات گنگه شینی گچیردی.

مولود چاووش اوُغلی "کروناویروس سبأپلی ماصلاحاتلاریمیزی نأحیللی گچیرجه گیمیز باراسیندا گپله شدیک. آستانا فرمتینده اۆچ تاراپلی ماصلاحات تهران دا بوُلجاق. طایارلیقلارینا شو گۆن باشلادیق" دیدی.

گۆن اوُرتا قفقاز (آذربایجان- ارمنیستان آراسیندا) بیر اوُت آچیلشیغا بس اولغامی نینگ بوُلاندیغینی و هممه تاراپلارینگ بو یاغدایی همیشه لیک یاغدایا اؤوۆرمه لیدیگینی آیدان چاووش اوُغلی،

"دینگه ایسله مه ک یترلیک دأل، قوُشانت قوُشولمالیدیر. گۆن اوُرتا قفقاز بیلن باغلی 3+3 فرمتینده بیر حیذماتداشلیق دۆشۆنیأریس." دییپ بِلله دی.

تۆرکیه حؤکمۆنده ایلایتا دا ایران- آمریکا و اوروپالی اۆچ یورت (فرانسیا، انگلستان و آلمانیا) تاراپیندان قوُل چکیلن اتمی ایلالاشیغا قوُلداو بریأندیکلرینی یاتلادان چاووش اوُغلی،

"جو بایدن ینگدوُلانشیغیندا بو ایلالاشیغینگ یانگاداندان ایشه گیریزیلمه گینی اومیت ادیأرین. شیله لیک بیلن ان شاالله دوُغانلیق یورت ایرانا قارشی قوُیولان چأکلندیرمه لره بس ادیلر" دیدی.

ایرانلی وزیر ده تۆرکیأنینگ جمهورباشلیغی رجب طیب أردوُغان ینگ اینگ قیسغا واغتدا ایرانا گلمه گینه قاراشیاندیقلارینی آیتدی و بو ساپارینگ آنیق تاریحینگ بِللی بوُلجاقدیغینی بیلدیردی.

"ایران بیلن تۆرکیأنینگ قفقاز مسئله سینده حیذماتداشلیغی حؤکمأن بؤلگه یورتلاری نینگ بأحبیدینه بوُلجاقدیر" دیه ن ظریف،

"ایران بیلن تۆرکیه آراسینداقی حیذماتداشلیق پوداقلاری اؤرأن کؤپ. آمریکانینگ پاراساتلی توتومی بیلن بیزینگ قاتناشیغیمیز دا چونگلاشار" دیدی.