أردوُغان تأزه رفرم بوقچاسی باراسیندا چیقیش اتدی

تۆرکیأنینگ جمهورباشلیغی بو یرده برن بیاناتیندا، یوردی اۆچین هر گۆن تأزه ایشلر آلیپ باریاندیقلارینی بیلدیردی

1572301
أردوُغان تأزه رفرم بوقچاسی باراسیندا چیقیش اتدی

تۆرکیأنینگ جمهورباشلیغی و عادالات و اؤسۆش پارتیاسی نینگ باشلیغی رجب طیب أردوُغان تأزه اؤزگِردیلیش (رفرم) بوقچاسی نینگ قوُلایدا تۆرکیأنینگ بیک میللت مجلیسینه هؤدۆرلِنجه‌کدیگینی آیتدی.

أردوُغان عادالات و اؤسۆش پارتیاسی نینگ مجلیس توُپاری نینگ ماصلاحاتیندا،

"میللتیمیزه ماغلومات بره‌نیمیزده، بو رفرم تکلیپلری نینگ یوردومیزی 2023-نجی ییلا و سوُنگراسینا آلیپ بارجاق دۆیپلی و أهمیتلی زاتلارا ایه بوُلاندیغینی گؤرجه‌کدیر" دیدی.

أردوُغان تأزه گؤرنۆشلی کروناویروس (کووید- 19) اۆچین واکسن اتابی نینگ گینگه‌دیلجکدیگینی و اینگ قیسغا واغتدا واکسن ینگ بۆتین توُپارلارا بریلجکدیگینی نیغتادی.

"بیزینگ اینگ اولی گۆن ترتیبیمیز میللیتیمیزیگ گۆن ترتیپلریدیر" دیه ن أردوُغان شیله دوُوام اتدی:

"سانجیم اتابی بیلن تأزه بیر اتابا گچیلدی. ایندی 10 میلیون دُز واکسن گتیردیک. دۆنیأده کؤپ سانلی اؤسِندیگینی پیکیر ادیأن یورت واکسن تاپیپ بیلمه یأر. بیزینگ ایلالاشیغیمیز بیلن، 50 میلیون دُز واکسن دن 10 میلیونینی آلدیق"

أردوُغان سوُنگ بوُلسا گؤنی اِفیردن عادالات و اؤسۆش پارتیاسی نینگ مرکز اداراسیندان، ارزینجان، ارزروم 7-نجی عاداتی کنگره سینه قاتناشدی.

تۆرکیأنینگ جمهورباشلیغی بو یرده برن بیاناتیندا، یوردی اۆچین هر گۆن تأزه ایشلر آلیپ باریاندیقلارینی بیلدیردی و

"اۆلکأمیزی، بؤلگأمیزی و دۆنیأنی نأحیللی حوُوپسوزراق، بای راق یاغدایا گتیریپ بیلریس دییپ بو مسئله بارادا اوُیلانیاریس" دیدی.

 


اتیکتلر: #أردوُغان

دِگیشلی حابارلار