أردوُغان قاچیریلان گأمی نینگ کاپیتانی بیلن تلفن آرقالی دوشوشیق گچیردی

تۆرکیأنینگ جمهورباشلیغی رجب طیب أردوُغان نیجریانینگ دنگیزینده اوُغرولار تاراپیندان هۆجۆمه سزه ور بوُلان گأمی نینگ کاپیتانی فرقان یارن بیلن تلفن آرقالی دوشوشدی.

واقا بیلن یاقیندان قیزیقلانیان أردوُغان، گابن دا بوُلان گأمی نینگ 3 پرسنلی نینگ ساغلیق یاغدایی باراسیندا ماغلومات آلدی.

تۆرکیأنینگ جمهورباشلیغی، قاچیریلان پرسنلینگ آزات ادیلمه گی اۆچین ده قیزیقلی یاغدایدا تاغاللا ادیلیأندیگینی آیتدی.

تۆرکیأنینگ لیرویل دأکی ایلچیسی نیلوفر اردم قایغیسیز دا دنگیز اوُغرولاری تاراپیندان قاچیریلان موزارت گأمیسی نینگ 3 پرسنلی بیلن دوشوشدی.

لیبریانینگ بایداغینی آسان گأمی دۆین نیجریانینگ لاگوس شهری نینگ 180 مایل داشیندا دنگیزدأکی تالانگچیلارینگ هۆجۆمینه سزه ور بوُلوپدی.

تالانگچیلار 19 پرسنلی بوُلان گأمی نینگ آذربایجانلی بیر مهندسینی اؤلدۆردی، 15 پرسنلی ده آلیپ گیتدی.

قالان 3 پرسنل گأمینی گابن ینگ گنتیل شهرینه گتیریپدی.