چاووش اوُغلی روسیادا بیانات بردی
چاووش اوُغلی روسیا بیلن تۆرکیأنینگ اوُرتاق واکسن اؤندۆرجکدیگینی آیتدی
تۆرکیأنینگ داشاری ایشلر وزیری مولود چاووش اوُغلی تۆرکیأنینگ چأکلندیرمه لره بوُیون اِگمه جکدیگینی آیتدی.
تۆرکیه- روسیا اوُرتاق استراتژیک پلانلاییش توُپاری نینگ 8-نجی ماصلاحاتینا قاتناشماق اۆچین روسیا گیدن چاووش اوُغلی، روس ایشدشی سرگی لاوروف بیلن سوچی شهرینده مطبوغات گنگه شینه قاتناشدی.
چاووش اوُغلی برن بیاناتیندا آمریکانینگ تۆرکیأ قارشی روسیادان اس- 400 هوُوا قوُراغ سیستمی آلانی اۆچین کاتسا چأکلندیرمه سینی قوُیماغی باراسیندا سؤزلأن سؤزۆنده:
"بو چأکلندیرمه بیزینگ اؤز قاراشسیزلیق حاقلاریمیزا ادیلن هۆجۆمدیر" دیدی و "بیزینگ چأکلندیرمه لر بیلن ایزا چکیلمه جکدیگیمیزی هممه حالق بیلیأر" دیدی.
بیاناتیندا تۆرکیأنینگ لیبی ده بریأن قوُلداوینا اۆنس چکن چاووش اوُغلی،
"حفتر باشدا بوُلماق بیلن باشغا بیر یورت یا دا باشغا بیر آدامینگ تۆرکیه لیبی دن چیقسین دیمأگه حاقی یوُقدیر" دیدی.
مطبوغات گنگه شینده تأزه گؤرنۆشلی کروناویروس بیلن گؤره ش ده گۆن ترتیبینه گتیریلدی.
چاووش اوُغلی روسیا بیلن تۆرکیأنینگ اوُرتاق واکسن اؤندۆرجکدیگینی آیتدی.
تۆرکیه بیلن روسیانینگ قاتناشیقلارینا اۆنس چکن چاووش اوُغلی روسیانینگ تۆرکیه دن پوُمادار آلووینی یوُقارلاتجاقدیغینی بیلدیردی.
سرگئی لاوروف دا برن بیاناتیندا آمریکا تاراپیندان تۆرکیأ حقوقسیز یاغدایدا قوُیلان چأکلندیرمه لره قارامازدان "آنکارا بیلن حاربی- تکنیک حیذماتداشلیغیمیزا دوُوام اتدیرریس" دیدی.
