أردۇغان گامبیادا

تۆرکیأنینگ جمهورباشلیغی رجب طیب أردۇغان تۆرکیأنینگ آفریقا بیلن ایقدیصادی قاتناشیقلاری نینگ همیشه عادالاتلی، دنگ آغراملی و ایکی تاراپینگ دا بأحبیدینه بۇلجاق یاغدایدا اؤسدۆریلمأگه دۇوام اتجکدیگینی آیتدی.

رسمی ساپار بیلن گامبیا باران أردۇغان، گامبیانینگ جمهورباشلیغی آداما بارو بیلن اؤزآرا و تۇپارآرا دوشوشیقدان سۇنگ مطبوغات کنفرانسینا قاتناشدی.

دوشوشیقلاردا اؤزآرا قاتناشیقلار باراسیندا گپله شیلِندیگینی یاتلادان أردۇغان فت الله چی ترور قوراماسی (فتؤ)نینگ اۇقووجایلاری آدی آستیندا ادن ایشلرینی ایلکینجی گِزه‌ک گامبیا دوروزاندیغینی بیلدیردی و

"گامبیانینگ بو توتان یرلی تاغاللاسی بیله کی آفریقا یورتلاریندا دا فتؤ بیلن گؤره ش مسئله سینده گؤره‌لده بۇلدی" دیدی.

ایکی یوردونگ آراسینداقی سؤودا و ایقدیصادی قاتناشیقلارینگ ایسله‌ندیک یره یتمأندیگینی آیدان تۆرکیأنینگ جمهورباشلیغی اؤزآرا ایقدیصادی قاتناشیقلاری دنگ آغراملی بیر یاغدایدا آلیپ بارماغی ماقصات ادیأندیکلرینی آیتدی.

أردۇغان بو ساپاری نینگ ایکی یوردونگ آراسیندا تأزه حیذماتداشلیق شرطلرینی دؤره‌‍تمه‌گینه قۇشانت قۇشماغینی آرزوو ادیأندیگینی آیتدی.

آداما بارو دا ییللاردان بأری تۆرکیه دن هر پوداقدا أهمیتلی قۇلداولار آلاندیقلارینی آیتدی و ایقدیصادیه تینگ دۆرلی پوداغیندا تۆرکیه بیلن گۆیچلی قاتناشیقلار قورالاندیغینی بیلدیردی.