تۆرکیه انسانی اؤسۆش تایدان یۇقاری اۇرونا ایه بۇلدی

تۆرکیه، انسانی اؤسۆش تایدان ۱۸۹ یوردونگ آراسیندا ۵۹-نجی اۇرونا ایه بۇلیپ، "یۇقاری درجه لی انسانی اؤسۆشه ایه" یورتلار ساناوینا گیردی.

بیرلشن میللتلر قوراماسی نینگ اؤسۆش پروگرامماسی (یو ان دی پی) تاراپیندان ۲۰۱۸-نجی ییلینگ گؤرکِزیجیلری چاپ ادیلدی.

بو گؤرکِزیجیده انسانی اؤسۆش، دنگ آغرامسیزلیغا اساسلانیان اؤسۆش، ارکک یا دا عایالا گؤرأ اؤسۆش، جمغیتچیلیکدأکی ارکک- عایاللار آراسینداقی دنگ آغرامسیزلیق یالی کؤپ سانلی مسئله باراسیندا بارلاغ گچیریلدی.

تۆرکیه شۇل گؤرکِزیجیده ۱۹۹۰-نجی ییلدا ۰.۵۷۹ بال آلیپدی. اؤتن ییل بۇلسا تۆرکیه بالینی ۰.۸۰۶ سانینا یتیردی و ۳۴.۴ گؤتریم اؤسۆش گؤرکِزدی.

شیله لیک بیلن تۆرکیه ۱۸۹ یوردونگ آراسیندا ۵۹-نجی یره ایه بۇلدی.

۱۹۹۰- ۲۰۱۸-نجی ییللار آرالیغیندا تۆرکیه رایاتلاری نینگ عؤمری ۱۳.۲ ییل اوزادی.

اۇقوو ییللاری اۇرتاچا ۳.۱ ییل یۇقارلادی.

قاراشیلان اۇقوو ییللاری دا ۷.۵ ییل یۇقارلادی.

ایشله یأنلرینگ آیلیقلاری دا ۱۲۲.۱ گؤتریم یۇقارلادی.

بو ساناودا نروژ ۰.۹۵۴ بال بیلن بیرینجی اۇرونا ایه بۇلدی.

سوئیس ۰.۹۴۶ بال بیلن ایکینجی، ایرلند ۰.۹۴۲ بال بیلن اۆچۆنجی و آلمانیا بیلن هنگ کنگ ۰.۹۳۹ بال بیلن دؤردۆنجی اۇرونا ایه بۇلدی.