تۆرکیأنینگ میللی حۇوپسوزلیق گنگه‌شی ارتیر ماصلاحات گچیرر

تۆرکیأنینگ میللی حۇوپسوزلیق گنگه‌شی ارتیر تۆرکیأنینگ جمهورباشلیغی رجب طیب أردۇغان ینگ باش توتانلیغیندا ماصلاحات گچیرر.

میللی حۇوپسوزلیق گنگه‌شی نینگ گۆن ترتیبینده فیرات دریاسی نینگ گۆن دۇغارینا بۇلماغی أحتیمال حرکت اۆچین طایارلیق.

بیله کی تاراپدان، آمریکانینگ سوریه اۆچین یؤریته وکیلی جیمز جفری نینگ گچن هپده پایتاغت آنکاراداقی دوشوشیقلاری بارادا دا گنگه شیلر.

تۆرک و آمریکان حاربی تۇپارلاری آراسیندا حۇوپسوز زۇلاغینگ قورالماغی اۆچین دؤره دیلن ایشجنگ تۇپارینگ ادن ایشلری بارادا دا گنگه شیلر.

میللی حۇوپسوزلیق گنگه‌شینده تۆرکیأنینگ روسیادان ساتین آلان اس- ۴۰۰ سیستملری نینگ بریلمأگه باشلانماغی حاقیندا دا پیکیر آلیشیلماغا قاراشیلیار.

ایلکینجی سیستمینگ دۇلی بریلمه گیندن سۇنگ اس- ۴۰۰ سیستملری نینگ نیرأ قورالجاغی باراسیندا دا گنگه شیلر.

ماصلاحاتدا آمریکانینگ تۆرکیأ قارشی بۇلوپ بیلمه گی أحتیمال چأکلِندیرمه لر باراسیندا دا پیکیر آلیشیلار.

تۆرکیأنینگ اف- ۳۵ پروژه سیندن چیقاریلماغی أحتیمالیندان سۇنگراقی ایشجنگ پلان بارادا دا گنگه شیلر.

تۆرک گأمیلری نینگ گۆن دۇغار آق دنگیزده ادیأن سونداژ ایشلری ده بو ماصلاحاتینگ گۆن ترتیبینه گتیرلر.