آمریکا فتؤ باراسیندا تأزه دلیللر بریلدی
تۆرکیأنینگ عادالات وزیری آمریکان ایشدشی بیلن دوشوشدی
تۆرکیأنینگ عادالات وزیری عبدالحمید گۆل آمریکا بیرلشن ایالتلریندأکی ایشدشی ویلیام بار- آ فت الله چی ترور قوراماسی (فتؤ) نینگ باش توتانی نینگ ایزینا قایتاریلماغی اۆچین تأزه دیللر بردی.
عادالات وزیری، تۆرکیأنینگ فت الله چی ترور قوراماسی باراسیندا بۆتین دلیللری بیرینجی الدن قارشیداشلارینا برندیگینی آیتدی.
گۆل،
"تۆرکیه اۆچین اؤرأن مؤهۆم بیر مسئله بۇلان فتؤنینگ تۆرکیأ قایتاریلماغی اتابی باراسیندا دۇلولیغینا گپله شدیک. (۲۰۱۶-نجی) ییلداقی ۱۵-نجی ایول آغدارلیشیغا سینانشیق بیلن فتؤنینگ دۇغریدان ایلتشیگینی گؤرکِزن دلیللری و سندلری اؤزلرینه بردیک. بو تأزه و مؤهۆم دلیللری گؤنی حۇرماتلی آمریکان وزیره بردیک. حۇرماتلی وزیر دا اؤزۆنینگ واقانی ایزارلاجاقدیغینی بیلدیردی. بو مسئله ده قاراشیلان اؤزگِرلیشیگینگ بۇلماغینی اومیت ادیأریس" دیدی.
تۆرکیأنینگ عادالات وزیری، بارینگ تجریبه لی بیر حقوقچی بۇلاندیغینی و فتؤ بیلن باغلانشیقلی دلیللری دۇغریدان آمریکان ایشدشینه بریلمه گی نینگ أهمیتلیدیگینی آیتدی.
دِگیشلی حابارلار
دمیرقازیق عیراق دا پ. ک. ک نینگ اۆچ ترورچیسی تأثیرسیز یاغدایا گتیریلدی
عیراغینگ دمیرقازیغیندا آیرالیقچی ترور قوراماسی پ. ک. ک نینگ اۆچ ترورچیسی تأثیرسیز یاغدایا گتیریلدی