أردۇغان یاشلار بیلن دوشوشدی

تۆرکیأنینگ جمهورباشلیغی رجب طیب أردۇغان جولان دپه لری نینگ ۱۹۶۷-نجی ییلداقی ایلالاشیقلار بیلن بیرلشن میللتلر قوراماسی تاراپیندان سوریأ دگیشلی بۇلاندیغی ثبوت ادیلندیگینی آیتدی.

أردۇغان پایتاغت آنکارادا اۇنونگ بیلن دوشوشان یاش اۇغلانلار و قیزلارینگ سۇراغلارینا جۇغاپ بردی.

دوشوشیق توییتر، فیس بوک و اینستاگرام یالی سوسیال مدیا حاساپلاریندان دا گؤنی افیردن بریلدی.

تۆرکیأنینگ جمهورباشلیغی آمریکانینگ جولان دپه لرینی ایسرائیل ینگ تۇپراغی حؤکمۆنده تاناماغی باراسیندا،

جولان دپه لری نینگ بیرلشن میللتلر قوراماسی تاراپیندان سوریأ دگیشلی بۇلاندیغینی بیان ادن قاراری نینگ باردیغینی آیتدی.

جولان ینگ ایسرائیل بیلن آراباغلانشیغی نینگ بۇلماندیغینی آیدان أردۇغان،

"آمریکانینگ باشلیغی ترامپ اتدیم بۇلدی دییأر. سنینگ اتمه‌گینگ بلن بۇلمایار. ماکرون بیلن دوشوشدیم. مانگا سینینگ یالی پیکیر ادیأرین دیدی. ترامپا دا مونی آیدارین دیدی. پوتین بیانات بردی. ترامپ ینگ أدِن بو أدیمی نینگ بیرلشن میللتلر قوراماسی و حۇوپسوزلیق گنگه شی تاراپیندان تاصصیقلانماغی مۆمکین دأل. بیز بو مسئلأنی اسلام حیذماتداشلیق قوراماسیندا دا گۆن ترتیبینه گتیرریس." دیدی.

رجب طیب أردۇغان، مسئله باراسیندا پارس آیلاغی یورتلاری نینگ توتان یرلی توتوم گؤرکِزمأندیگینی نیغتادی.

ایسرائیل دا ۹-نجی آپریل دا گچیریلجک عمومی سایلاولار اۆچین ترامپ ینگ بنیامین نتانیاهوآ قۇلداو بریأندیگینی آیدان أردۇغان،

"نتانیاهو قالپلیغا قاریشان بیری. (ترامپ) نتانیاهوآ قۇلداو برسه م اۇنی حالاص ادرین" دییأر. اۇنی حالاص اتسه نگ نأمه بۇلار، اتمه سنگ نأمه بۇلار؟ یالنگیز داق الساق یکه ده قالساق، بو مسئله باراسیندا دوراریس. بیز تۆرک میللتی حؤکمۆنده اؤز توتان یرلیلیگیمیزی گؤرکِزیپ یۇلومیزا دۇوام ادریس" دیدی.

تۆرکیأنینگ جمهورباشلیغی، تأزه زلاندداقی ایکی متجیده قورالان هۆجۆم و ۵۱ مسلمانینگ آرادان چیقماغی باراسیندا دا دوروپ گچدی.

ترور قوراماسی داعش ینگ بیر ترورچیسی نینگ بیر کلیسا هۆجۆم ادن واغتی گۆن باتار دۆنیأسی نینگ تۇزان توروزیاندیغینی یاتلادان أردۇغان،

"اِمما بو واقادان سۇنگرا گۆن باتار دۆنیأسی سسینی چیقاردیمی؟ جینگقینی آلمادی. بو ترورچینی یازغارمادیلار. چارلی ابدو واقاسیندا دا ینه فرانسیادا بۆتین دۆنیأنینگ یۇلباشچیلاری اۆیشدی. بیله لیکده یؤره دیلر، قیامات چیقاردیلار. ۵۱ مسلمان شۇل یرده متجیتده عبادت ادن ماحالی شهیت ادیلیأر اِمما اۇلار سس چیقارمایار" دیدی.