تۆرکیه سوریه لی بۇسغونلار مسئله سینده دۆنیأ یورتلارینا گؤره‌لده بۇلدی

داشاری یورتلارداقی تۆرکلر و قارینداش حالقلار اداراسی نینگ باشلیغی عبدالله ارن تۆرکیأنینگ سوریه لی بۇسغونلار مسئله سینده دۆنیأ یورتلارینا گؤره‌لده بۇلاندیغینی آیتدی.

عبدالله ارن بیرلشن میللتلر قوراماسی نینگ عمومی ماصلاحاتیندا گچیریلن دوشوشیقدا سوریه دأکی دارتغینلیق و تۆرکیأنینگ واغتلایین قۇراغ یاغدایینا آلینان سوریه لی یاشلار اۆچین دورموشا گچیریلیأن سوسیال بیلیم سیاساتلارینی گۆررۆنگ بردی.

ارن ۸ ییلا قۇلای واغت بأری دۇوام ادیأن سوریه دأکی ساواش سبأپلی ۲.۵ میلیوندان قۇوراق چاغا بۇلماق بیلن ۵.۷ میلیون سوریه لی نینگ مصر، عیراق، اردن، لبنان و تۆرکیه ده بۇسغونلیقدا یاشاماغا مجبور بۇلاندیغینی آیتدی.

ساواشدان قاچیپ تۆرکیأ گلن سوریه لیلرینگ تۆرک یۇلباشچیلاری و انسان پرور کؤمِک قورامالاری تاراپیندان واغتلایین قۇراغ مرکزلرینه یرله شدیریلندیگینی گۆررۆنگ برن ارن، "تۆرکیه واغتلایین قۇراغ یاغدایینا آلینان ۴ میلیوندان کؤپرأک سوریه لأ، یر ایه چیلیگینی ادیأر " دیدی.

داشاری یورتلارداقی تۆرکلر و قارینداش حالقلار اداراسی نینگ باشلیغی عبدالله ارن، بۇسغون دۆشِلگه‌لرینده یاشایان سوریه لیلرینگ سانی نینگ ۲۰۱۱-نجی ییلدا ۱۰ گؤتریمه قۇلایلاندیغینی، شۇل سانینگ دؤورۆمیزده بۇلسا ۵ گؤتریمه چنلی آشاقلاندیغینی و بۇسغونلارینگ یرله‌شمه‌ک و بیلیملرینه دۇوام اتمه‌ک بیلن سوسیال دورموشا اتغاشیقلی یاغدایا گلندیگینه اۆنسی چکدی.

ارن، "تۆرکیه سرحدیندأکی دارتغینلیغا، میلیونلارچا آدامینگ حۇوپسوز یاغدایدا یاشاماغی اۆچین آلیپ باریان آچیق قاپیلاری سیاساتی بیلن جۇغاپ بردی. بیز یاش اولی- یاش کیچی، چاغا، زنانا دیمأنی هر بیر آداما قوجاق آچدیق" دیدی.

عبدالله ارن "تۆرکیه میللی و حالقارا درجه سینده اولی تاغاللا اتدی و سوریه لی بۇسغونلار مسئله سینده دۆنیأ یورتلارینا گؤره‌لدِه بۇلدی" دیدی.

سوریه لی طالیپلارا بورس بریلیأندیگینی هم گۆررۆنگ برن ارن، اۇوغانیستان، عیراق، یمن یالی ۱۶۰-دان کؤپ یورتدان گلن ۱۷ مۆنگ اۇقووچا بورس بریأندیکلرینی یاتلاتدی.